તો શું આ ધોનીની છેલ્લી T20 મેચ હતી? વર્લ્ડ કપ બાદ લેશે નિવૃત્તિ!

નવી દિલ્હીઃ ભારત અને ઓસ્ટ્રેલિયાની વચ્ચે બુધવારે રમાયેલ ટી20 મેચ વર્લ્ડ કપ પહેલા ટીમ ઇન્ડિયાની અંતિમ ટી20 મેચ હતી. કહેવાય છે કે, ઇંગ્લેન્ડમાં રમાનારા 50 ઓવરના વર્લ્ડ કપ ખત્મ થયા બાદ ભારતીય વિકેટકીપર મહેન્દ્ર સિંહ ધોની આંતરરાષ્ટ્રીય ક્રિકેટમાંથી નિવૃત્તિ લઈ શકે છે. ભારતીય ટીમ હવે પછીનો T-20 આંતરરાષ્ટ્રીય મેચ વર્લ્ડ કપ પૂરો થયા પછી જ રમશે, પરંતુ એ શક્ય છે કે બેંગલુરૂમાં રમાયેલ T-20 આંતરરાષ્ટ્રીય મેચ ધોનીના ક્રીકેટ કારકિર્દીની છેલ્લી મેચ સાબિત થાય. 2006થી T-20 આંતરરાષ્ટ્રીય મેચમાં રમી રહેલા અને પોતાના હેલીકોપ્ટર શોટ માટે જાણીતા મહેન્દ્ર સિંહ ધોની હવે 37 વર્ષના થઈ ગયા છે.

ધોનીએ 97 મેચમાં કુલ 1577 રન બનાવ્યા છે. તેમની કેપ્ટનશીપમાં ભારતે 2007માં પ્રથમ T-20 ટુર્નામેન્ટ જીતી હતી. T-20 લીગ આઈપીએલ (IPL) માં પણ આ વિકેટ કીપરે પોતાનો જલવો બતાવ્યો હતો. અને ચેન્નાઈ સુપર કિંગ્સને 3 વાર ચેંપ્યિન પણ બનાવ્યું હતું.