જીત મળી, છતાં પીચને લઇને ધોનીએ કાઢ્યો ગુસ્સો, બોલ્યો- 'આવી પીચ કામની નથી, અમે નહીં રમીએ'

આ લૉ સ્કૉર પીચ છે, અમારા બેટ્સમેનો માટે પણ પરેશાની થઇ, પહેલી ઇનિંગમાં બેટિંગ કરવી ખુબ મુશ્કેલ છે. જોકે, ભેજ ઓછો થયા બાદ થોડી રાહત મળે છે

ચેન્નાઇઃ આઇપીએલમાં છઠ્ઠી મેચ જીતીને પૉઇન્ટ ટેબલ પર ટૉપ પર પહોંચેલી ધોનીની ચેન્નાઇ સુપર કિંગ્સને લઇને ફેન્સ ખુશ છે, પણ જીની સાથે સાથે કેપ્ટન કુલ ધોની ગુસ્સે ભરાયો છે. આ ગુસ્સો પીચને લઇને છે. જીત બાદ ધોનીએ પીચને લઇને જબરદસ્ત ગુસ્સો કાઢ્યો હતો. મંગળવારે રમાયેલી ચેન્નાઇની એમ.એ.ચિદમ્બરમ સ્ટેડિયમ પરની મેચમાં ધોનીને પીચ અનુકુળ ના આવી. ધોનીએ જીત બાદ કહ્યું કે, આ પીચ ખરાબ છે, ટ્રેક પર પરેશાની રહી, હાલમાં બ્રાવો અમારી સાથે નથી એટલે પીચ સૂટ કરી રહી છે. પણ અમે આવી પીચ પર રમવા નથી માંગતા. આ પીચ બેટ્સમેનો માટે ઓછા સ્કૉર વાળી પીચ છે. આ લૉ સ્કૉર પીચ છે, અમારા બેટ્સમેનો માટે પણ પરેશાની થઇ, પહેલી ઇનિંગમાં બેટિંગ કરવી ખુબ મુશ્કેલ છે. જોકે, ભેજ ઓછો થયા બાદ થોડી રાહત મળે છે નોંધનીય છે કે, કોલકત્તા તરફથી મળેલા 108 રનના લક્ષ્યને ચેન્નાઇની ટીમે 17.2 ઓવરોમાં ત્રણ વિકેટ ગુમાવીને હાંસિલ કરી દીધો હતો.