ધોનીને યાદ આવ્યા સ્કૂલના દિવસો, શેર કર્યો આ શાનદાર VIDEO

ધોની વેસ્ટ ઇન્ડિઝ પ્રવાસથી બહાર હતા અને હવે તે દક્ષિણ આફ્રિકાની સાથે જારી ટી20 સીરીઝમાં પણ નથી રમી રહ્યા.

નવી દિલ્હીઃ વિતેલા ઘણાં મહિનાથી ક્રિકેટથી દૂર ચાલી રહેલ પૂર્વ ભારતીય કેપ્ટન અને અનુભવી વિકેટકીપર બેટ્સમેન મહેન્દ્ર સિંહ ધોનીએ સોશિયલ મીડિયા પર એક મજેદાર વીડિયો શેર કર્યો છે, જેમાં તે પોતાના સ્કૂલના દિવસોને યાદ કરી રહ્યા છે. ધોનીએ પોતાના ઇન્સ્ટાગ્રામ પર એક ગલી ક્રિકેટનો વીડિયો શેર કર્યો છે, જેમાં બેટ્સમેન બોલ્ડ થવા છતા એ વાત માનવા તૈયાર નથી કે તે આઉટ છે. વીડિયોમાં બેટ્સમેન કહી રહ્યા છે કે તે તૈયાર ન હતા અને આ ટ્રાયલ બોલ હતો. ધોનીએ વીડિયો શેર કરતાં લખ્યું, ‘જ્યારે તમને ખબર હોય કે શું થવાનું છે અને તમે તમારો કેમેરો ઓન કરો છો અને આગામી એક મિનિટમાં જ તમને એ મળી જાય છે. ખરાબ લાઈટ માટે માફી માગુ છું, પરંતુ આ મજેદાર હતું કે પ્રથમ બોલ ટ્રાયલ બોલ હતો, અમ્પારનો નિર્ણય અંતિમ નિર્ણય. સ્કૂલમાં દિવસો યાદ આવી ગયા. તે પણ સ્વીકાર ન કરતે જો તેનો વીડિયો ન હોત તો. આપણે ક્રિકેટમાં ક્યારેક તો આ જોયું જ હશે. તમે પણ તેની મજા લો.’

View this post on Instagram

 

Wen U know what’s coming and start the camera and u get it in the nxt 1min, sorry for the bad light but it’s the lingo that’s fun trial ball, umpires decision last decision.brings back memory from school days.he wd have never accepted this ever happened if v didn’t have this video.all of us have witnessed this at some point of time in cricket.enjoy

A post shared by M S Dhoni (@mahi7781) on Sep 24, 2019 at 4:16am PDT

ધોની વેસ્ટ ઇન્ડિઝ પ્રવાસથી બહાર હતા અને હવે તે દક્ષિણ આફ્રિકાની સાથે જારી ટી20 સીરીઝમાં પણ નથી રમી રહ્યા. પૂર્વ કેપ્ટન ધોની હવે વિજય હજારે ટ્રોફી અને બાંગ્લાદેશ વિરૂદ્ધ રમાનારી ટી20 ઘરેલુ સીરીઝમાંથી પણ બહાર જ રહેશે. ધોની હવે ડિસેમ્બરમાં જ ટીમ પસંદગી માટે ઉપલબ્ધ રહેશે.