IPL 2018 : સચિન તેંડુલકરને પોતાના આદર્શ માને છે આ સફળ કેપ્ટન

એક કાર્યક્રમ દરમિયાન વિલિયમસને કહ્યું, મને જે ખેલાડીઓ ગમે છે તેમાં કેટલાક ભારતીય પણ છે. સચિન તેંડુલકરને હું ન્યૂઝીલેન્ડ માટે રમતા સમયે મળ્યો. અમે એક બીજા વિરૂદ્ધ રમી રહ્યા હતા અને હું જોઈ રહ્યો હતો કે તે શું કરે છે. હું ધ્યાન ભટકી રહ્યો હતો. વિલિયમસને કહ્યું, તે એક સારો અનુભવ હતો. તે આ રમતના મહાન ખેલાડી છે.

કોલકાતાઃ 21મી સદીમાં અનેક એવા ક્રિકેટર થયા જેણે ભારતના મહાન ક્રિકેટર સચિન તેંડુલકરને પોતાના આદર્શ માનીને ક્રિકેટ રમવાનું શરૂ કર્યું. આ યાદીમાં હાલના સમયમાં એક દિગ્ગજ ક્રિકેટરનું નામ જોડાઈ ગયું છે જે સચિનને પોતાના આદર્શ માને છે. વિશ્વના શ્રેષ્ઠ બેટ્સમેનમાંથી એક ન્યૂઝીલેન્ડના કેપ્ટન કેન વિલિયમસન સચિન તેંડુલકરને પોતાના આદર્શ માને છે.

વિલિયમસને અમદાવાદમાં પોતાનો પ્રથમ ટેસ્ટ મેચ રમ્યો હતો. તે સમયે ભારતીય ટીમમાં તેંડુલકર ઉપરાંત એમ એસ ધોની, વિરેન્દ્ર સેહવાગ, રાહુલ દ્રવિડ અને વીવીએસ લક્ષ્મણ રમતા હતા.

તેણે કહ્યું કે, તે સમયે ઘણાં બધા મહાન ખેલાડી ટીમમાં હતા. રાહુલ દ્રવિડ, વીવીએસ લક્ષ્મણ બધા સારા વ્યક્તિ છે અને ક્રિકેટ વિશે હંમેશા વાત કરવા માટે તૈયાર રહે છે.

તેણે આગળ કહ્યું, હું 19-20 વર્ષનો હતો અને મને મહાન ખેલાડીઓની સાથે રમવા અને તેને જાણવાની તક મળી. આઈપીએલમાં વિલિયમસન સનરાઈઝર્સ હૈદ્રાબાદની કેપ્ટનશીપ કરે છે અને ટીમ શરૂઆતના ત્રણેય મેચ જીતવામાં સફળ રહી છે.