વર્લ્ડકપઃ આ ખેલાડીઓ પર રહેશે તમામ ક્રિકેટ ચાહકની નજર

ન્યૂઝીલેન્ડના સ્ટાર પેસર ટ્રેટ બોલ્ટ જરૂર પર પોતાની ટીમ માટે વિકેટ ઝડપી છે. તે સ્વિંગ અને પેસથી બેટ્સમેનોને પરેશાન કર્યા છે. બોલ્ટે અત્યાર સુધી 17 વિકેટ ઝડપી છે. ટીમના બીજા બોલર ફર્ગ્યુસનના નામે 18 વિકેટ ઝડપી છે.

ન્યૂઝીલેન્ડના કેપ્ટન કેન વિલિયમ્સને અત્યાર સુધી વર્લ્ડકપમાં શાનદાર પ્રદર્શન કર્યું છે. વિલિયમ્સને અત્યાર સુધી 9 મેચમાં આઠ ઇનિંગમાં 548 રન બનાવ્યા છે જેમાં બે સદી અને 2 અડધી સદી છે. જો તે ફાઇનલમાં 126 રન બનાવે તો તે ભારતના બેટ્સમેન સચિન તેડુંલકરના કોઇ એક વર્લ્ડકપમાં સૌથી વધુ 673 રન બનાવવાના 16 વર્ષ જૂના રેકોર્ડને તોડી દેશે.

ઇગ્લેન્ડના બેટ્સમેન જો રૂટ શાનદાર ફોર્મમાં છે. તેણે અત્યાર સુધી ટુનામેન્ટની 10 મેચમાં 549 રન બનાવ્યા છે જેમાં બે સદી અને ત્રણ અડધી સદીનો સમાવેશ થાય છે. ફાઇનલમાં તેના ફેન્સને આશા છે કે તે સારી ઇનિંગ રમે.

ઇગ્લેન્ડ પાસે જોફ્રા આર્ચર જેવો ઝડપી બોલર છે જેણે ટુનામેન્ટમાં 19 વિકેટ ઝડપી છે જે ઇગ્લેન્ડ તરફથી આ ટુનામેન્ટમાં સૌથી વધુ છે. તે સિવાય માર્ક વુડ અને ક્રિસ વોક્સ પર તમામની નજર રહેશે.

લંડનઃ ઇગ્લેન્ડ અને ન્યૂઝીલેન્ડ વર્લ્ડકપ 2019ની ફાઇનલમાં આજે ઐતિહાસિક લોર્ડ્સ મેદાન પર ટકરાશે. ઇયોન મોર્ગનની કેપ્ટનશીપ ધરાવતી ટીમ ઇગ્લેન્ડ ઓસ્ટ્રેલિયાને હરાવીને ફાઇનલમાં પહોંચી છે તો ન્યૂઝીલેન્ડની ટીમ બે વખતની ચેમ્પિયન ટીમ ઇન્ડિયાને સેમિફાઇનલમાં હરાવીને ફાઇનલમાં પહોંચી છે ત્યારે આ ફાઇનલમાં ક્યા ખેલાડીઓ પર સૌ કોઇની નજર રહેશે.