એશિયા કપ 2020નુ આયોજન પાકિસ્તાનમાં થશે, ટીમ ઈન્ડિયાના રમવા પર સસ્પેન્સ !

આ ટૂર્નામેન્ટ ઓસ્ટ્રેલિયામાં ટી20 વર્લ્ડકપ પહેલા સપ્ટેમ્બરમાં આયોજીત કરવામાં આવશે. પાકિસ્તાનના સાથે રાજનીતિક તણાવના કારણે ગત એશિયા કપની યજમાની સંયુક્ત આરબ અમીરાતમાં કરવામાં આવી હતી.

નવી દિલ્હી: એશિયાકપ 2020ની યજમાની પાકિસ્તાન કરશે. એશિયાઈ ક્રિકેટ પરિષદ(એસીસી)એ મંગળવારે પોતાની બેઠકમાં આ ટૂર્નામેન્ટની યજમાની પાકિસ્તાને સોંપી છે પરંતુ તેનું આયોજન તટસ્થ સ્થળે સંયુક્ત આરબ અમીરાતમાં થઈ શકે છે. કારણ કે જો પાકિસ્તાન પોતાના દેશમાં આયોજન કરે છે તો રાજકીય તણાવના કારણે ભારતની ભાગીદારી પર આશંકા બની રહેશે તેથી ટૂર્નામેન્ટનું આયોજન સંયુક્ત આરબ અમીરાતમાં થઈ શકે છે. શ્રીલંકાની ટીમ બસ પર 2009માં થયેલા આતંકી હુમલા બાદ સંયુક્ત અરબ અમીરાત પાકિસ્તાનનું હોમ ગ્રાઉન્ડ બની ગયું છે. આ ટૂર્નામેન્ટ ઓસ્ટ્રેલિયામાં ટી20 વર્લ્ડકપ પહેલા સપ્ટેમ્બરમાં આયોજીત કરવામાં આવશે. પાકિસ્તાનના સાથે રાજનીતિક તણાવના કારણે ગત એશિયા કપની યજમાની સંયુક્ત આરબ અમીરાતમાં કરવામાં આવી હતી. બીસીસીઆઈના એક વરિષ્ઠ અધિકારીએ જણાવ્યું કે, પાકિસ્તાનમાં રમવાનો નિર્ણય સરકાર લેશે. બોર્ડ કેન્દ્રના નિર્ણયનું અનુકરણ કરશે. તેઓને કહ્યું કે અમારું માનવું છે કે ગત વખતની જેમ યૂએઈમાં આયોજન કરવામાં આવ્યું હતું તેવી રીતે પાકિસ્તાને પણ તટસ્થ સ્થળે તેનું આયોજન કરવું જોઈએ.