ભારતની હાર છતા હાર્દિક-ભુવી પર આફરીન થયા આ સ્ટાર ક્રિકેટર, જાણો શું કહ્યું...

પોતાના જીવન પર બની રહેલી ફિલ્મ વિશે જણાવતા તેમણે કહ્યું કે, આ અંગે અગાઉ ઘણા પ્રોડ્યૂસર્સે તેમની સાથે વાત કરી હતી પણ તેમણે કોઈને પરવાનગી આપી નહોતી. અત્યારે ઑટોબાયોગ્રાફી લખવા વિશે પણ તેઓ વિચારી રહ્યાં નથી.

કપિલનું માનવું છે કે, હાલમાં ભારતીય ટીમ ખૂબ સંતુલિત છે. દક્ષિણ આફ્રિકામાં બેટ્સમેનોને તકલીફ પડી રહી છે પણ આ જ પ્રકારની તકલીફ તેમના બેટ્સમેનોને ભારતીય પિચો પર સ્પીનર્સ સામે થાય છે. યુવા ખેલાડીઓને તાલીમ અને તક આપવા વિશે પોતાનો મત રજૂ કરતા કપિલ કહ્યું કે, તેમને ક્રિકેટ એકેડમી ખોલવામાં કોઈ રુચિ નથી. બાળકો પાસેથી પૈસા લઈ તેમને ક્રિકેટ શીખવવું તેમના સિદ્ધાંતોની વિરુદ્ધ છે. જો કોઈ તેમને ફાયનાન્સ કરે તો તેઓ આ અંગે વિચારી શકે છે.