પ્રો કબડ્ડી લીગ 2018: બેંગલુરુ પ્રથમ વખત બન્યું વિજેતા, ગુજરાતને આપી 38-33થી હાર

ગુજરાત ફોર્ચ્યુનજાયન્ટ્સ ગત સીઝનમાં પણ ફાઇનલમાં પહોંચી હતી પરંતુ પટના સામે હારનો સામનો કરવો પડ્યો હતો.

પવન કુમાર સેહરાવતે આ મેચમાં 22 પોઇન્ટ હાંસલ કર્યા હતા. બેંગલુરુએ મેચમાં ધીમી શરૂઆત કરી હતી પરંતુ બીજા હાફમાં વાપસી કરતાં ખિતાબ પર કબજો કર્યો હતો. બેંગલુરુ માટે પવન સિંહે સીઝનમાં 250 રેડ પોઇન્ટ્સ પણ પૂરા કર્યા હતા. બેંગલુરુને રેડથી 26, ટેકલથી સાત, ઓલઆઉટથી ચાર અને એક વધારાનો પોઇન્ટ મળ્યો હતો.