Mexico Open 2020: ફ્રિટ્ઝને હરાવી નડાલે જીત્યો 2020નો પ્રથમ ખિતાબ

ટેનિસ ખેલાડી રાફેલ નડાલે શનિવારે ટેલર ફ્રિટ્ઝને હરાવીને ATP મેક્સિકો ઓપનનું ટાઇટલ જીતી લીધું છે.

લોસ એન્જેલસઃ ટેનિસ ખેલાડી રાફેલ નડાલે શનિવારે ટેલર ફ્રિટ્ઝને હરાવીને ATP મેક્સિકો ઓપનનું ટાઇટલ જીતી લીધું છે. આ 2020માં તેનું પ્રથમ ટાઇટલ છે. સ્પેનના દિગ્ગજ નડાલે અમેરિકાના ફ્રિટ્ઝને 6-3, 6-2થી હરાવીને મેક્સિકો ઓપનનું ટાઇટલ ત્રીજી વખત જીત્યું હતું.

Sweet victory 🍐 🏆 😁@RafaelNadal is @AbiertoTelcel champion for the third time and collects career title 85. pic.twitter.com/Yx1zrE6xMk

— #AusOpen (@AustralianOpen) March 1, 2020

આ પહેલા તે 2013 અને 2015માં પણ ટાઇટલ જીતી ચુક્યો છે. રાફેલ નડાલના કરિયરનું આ 85મું ટાઇટલ છે. 33 વર્ષીય નડાલે ગત મહિને ઓસ્ટ્રેલિયાન ઓપનની ક્વાર્ટર ફાઇનલમાં હાર બાદ પ્રથમ ટૂર્નામેન્ટ રમી હતી. ટેનિસ ખેલાડી રાફેલ નડાલે ટૂર્નામેન્ટ દરમિયાન એકપણ સેટ ગુમાવ્યો નથી. આ ટૂર્નામેન્ટમાં રાફેલ નડાલની 19મી જીત થઈ છે. જ્યારે બે વાર રાફેલ નડાલે હારનો સામનો કરવો પડ્યો છે.