પંતને ઇંગ્લેન્ડ બોલાવાયો પણ ટીમ ઇન્ડિયાના ડ્રેસિંગ રૂમમાં ન મળી ENTRY, જાણો શું છે કારણ

પંતને તાત્કાલિક ધોરણે ઇંગ્લેન્ડ બોલાવવામાં આવ્યો હતો. જોકે પંત ઇંગ્લેન્ડ તો ગયો પણ ટીમ ઇન્ડિયાના ડ્રેસિંગ રૂમમાં તેના માટે NO ENTRY છે

નવી દિલ્હીઃ ટીમ ઇન્ડિયાનો વિસ્ફોટક ઓપનર શિખર ધવન ઇજાના કારણે બહાર થવાથી તેની જગ્યાએ ટીમમાં સ્થાન લેવા માટે ઋષભ પંતને મોકો મળ્યો છે. તેને તાત્કાલિક ધોરણે ઇંગ્લેન્ડ બોલાવવામાં આવ્યો હતો. જોકે પંત ઇંગ્લેન્ડ તો ગયો પણ ટીમ ઇન્ડિયાના ડ્રેસિંગ રૂમમાં તેના માટે NO ENTRY છે. રિપોર્ટ અનુસાર, શિખર ધવન હજુ સુધી વર્લ્ડકપમાંથી પુરેપુરો બહાર નથી થયો જેના કારણે પંતને ઇન્ડિયન ડ્રેસિંગ રૂમમાં જવાનો મોકો નથી મળ્યો, હાલમાં પંત માટે નૉ એન્ટ્રી લાગેલી છે. ઉલ્લેખનીય છે કે, વર્લ્ડકપ માટે સિલેક્ટ કરવામાં આવેલી ટીમમાં પંતને ના સમાવાતા ક્રિકેટ જગત બે ભાગમાં વહેંચાઇ ગયુ હતુ, એક વર્ગ તેને સમાવવાની માંગ કરતો હતો તો બીજો સિલેક્શન કમિટીના નિર્ણયને યોગ્ય ગણાવતો હતો. નોંધનીય છે કે, ઓસ્ટ્રેલિયા સામેની મેચમાં કૂલ્ટર નાઇલનો બૉલ શિખર ધવનના ડાબા હાથના અંગૂઠામાં વાગતા તેને ફેક્ટર થયુ હતુ. મેચમાં ફિલ્ડીંગ કરવામાં પણ ધવન આવી શક્યો ન હતો. બાદમાં રિપોર્ટ આવ્યા કે ત્રણ અઠવાડિયા સુધી ટીમથી દુર રહેવું પડશે.