IND vs AUS: રોહિત શર્માએ તોડ્યો સચિન-ગાંગુલીનો રેકોર્ડ, જાણો વિગતે

ટીમ ઈન્ડિયાને બેટ્સમેન રોહિત શર્માએ બેંગલુરૂની અંતિમ વનડેમાં વધુ એક રેકોર્ડ પોતાના નામે કર્યો છે.

બેંગલુરુઃ ભારત અને ઓસ્ટ્રેલિયા વચ્ચે રવિવારે બેંગલુરુમાં ત્રીજી અને અંતિમ વન ડે રમાઈ રહી છે. ઓસ્ટ્રેલિયાએ ટીમ ઈન્ડિયાને જીત માટે 287 રનનો લક્ષ્યાંક આપ્યો છે. ટીમ ઈન્ડિયાને બેટ્સમેન રોહિત શર્માએ બેંગલુરૂની અંતિમ વનડેમાં વધુ એક રેકોર્ડ પોતાના નામે કર્યો છે. રોહિત શર્માએ માત્ર 4 રન બનાવતા જ આ ઉપલબ્ધિ પોતાના નામે કરી છે. રોહિત શર્મા વન ડેમાં 9000 રન બનાવનારો ત્રીજો સૌથી ઝડપી ખેલાડી બની ગયો છે. રોહિત શર્માએ 223 વન ડેની 216 ઈનિંગમાં 32 વખત નોટ આઉટ રહીને 8996 રન બનાવ્યા હતા. રવિવારે તેણે ચાર રન બનાવતા જ સૌરવ ગાંગુલી, સચિન તેંડુલકર અને બ્રાયન લારાને પાછળ છોડી દીધા છે. સૌરવ ગાંગુલીએ 228 ઈનિંગ્સ, સચિન તેંડુલકરે 235 ઈનિંગ્સ અને વેસ્ટ ઈન્ડિઝના બ્રાયન લારાએ 239 ઈનિંગ્સમાં 9000 વન ડે રન બનાવ્યા હતા. રોહિત શર્માએ 217 ઈનિંગ્સમાં આ કમાલ કરી હતી. વન ડેમાં સૌથી ઝડપી 9000 રન બનાવવાનો વિક્રમ ભારતના કેપ્ટન વિરાટ કોહલીના નામે છે. તેણે 194 ઈનિંગ્સમાં જ આ સિદ્ધી મેળવી હતી. બીજા નંબરે રહેલા સાઉથ આફ્રિકાના એબી ડિવિલિયર્સે 205 ઈનિંગમાં 9000 રન પૂરા કર્યા હતા.