વિરાટ કોહલીને લઇને બાખડ્યા આ બે પૂર્વ ભારતીય દિગ્ગજો, આ છે કારણ

કેટલાક દિગ્ગજો કેપ્ટનમાંથી કોહલીને હટાવવાની વાત કરતા હતા, જોકે કેપ્ટનશીપ યથાવત રાખવામાં આવી હતી. આ લિસ્ટમાં પૂર્વ દિગ્ગજ સુનીલ ગાવસ્કર પણ સામેલ હતા

નવી દિલ્હીઃ ભારતીયી ટીમ હાલ વેસ્ટ ઇન્ડિઝ પ્રવાસ છે, આ પ્રવાસ દરમિયાન સિલેક્શન કમિટીએ વિરાટ કોહલીને કેપ્ટનશી પર બરકરાર રાખ્યો છે. વર્લ્ડકપમાં ન્યૂઝીલેન્ડ સામે મળેલી હાર બાદ કેપ્ટન અને કૉચને લઇને વિવાદ થયો હતો. કેટલાક દિગ્ગજો કેપ્ટનમાંથી કોહલીને હટાવવાની વાત કરતા હતા, જોકે કેપ્ટનશીપ યથાવત રાખવામાં આવી હતી. આ લિસ્ટમાં પૂર્વ દિગ્ગજ સુનીલ ગાવસ્કર પણ સામેલ હતા, ગાવસ્કરે પણ કેપ્ટન તરીકે કોહલીને હટાવવાની વાત કહી હતી. કોહલીને કેપ્ટન તરીકે રાખવાને લઇને પૂર્વ દિગ્ગજ ક્રિકેટર સુનીલ ગાવસ્કરે સવાલો ઉઠાવ્યા હતા. એક મીડિયા રિપોર્ટમાં હવાલાથી ગાવસ્કરે કહ્યું હતું કે, સિલેક્ટર્સ કોહલીને કેપ્ટન તરીકે યથાવત રાખ્યો તે મને સમજાતુ નથી. કોઇ મીટિંગ કે ચર્ચા કરવાની જરૂર હતી. તેમને કહ્યું કે, કોહલી પોતાના કારણે કેપ્ટન છે કે પછી સિલેક્શન કમિટીની ખુશીના કારણે. હવે આ વાતને લઇને ટીમ ઇન્ડિયાના પૂર્વ ક્રિકેટર સંજય માંજરેકરે સુનીલ ગાવસ્કરને આડેહાથે લીધા છે. માંજરેકરે ટ્વીટ કરીને કહ્યું કે, 'હું સન્માનની સાથે સિલેક્ટર્સ અને વિરાટ કોહલીને કેપ્ટન બનાવી રાખવાની ગાવસ્કરની વાત સાથે અસહમત છું. ટીમ ઇન્ડિયાએ વર્લ્ડકપમાં સારુ પ્રદર્શન કર્યુ છે. સાત મેચ જીત છે અને માત્ર બે જ મેચ હારી છે, આ એક સારો રેકોર્ડ છે.'

Respectfully disagree with Gavaskar Sir with his views on Indian selectors & Virat being retained as capt. No, Ind did not put in a ‘much below par WC performance’, they won 7 lost two. Last one very narrowly. And integrity a far more important quality as selector than stature.

— Sanjay Manjrekar (@sanjaymanjrekar) July 29, 2019