INDvsSL મોહાલી વન-ડે: ભારતનો 141 રને વિજય, શ્રેણી 1-1ની બરાબરી પર

મોહાલી: ભારતે આપેલા 393 રનના પડકારને પહોંચી વળવા મેદાનમાં ઉતરેલી શ્રીલંકાની ટીમ 50 ઓવરમાં 251 રન બનાવી શકતાં ભારતનો 141 રને વિજય થયો હતો. શ્રીલંકા વતી એન્જેલો મેથ્યૂઝે સર્વોધિક 111 રનનું યોગદાન આપ્યું હતું. ભારત વતી ચહલને 3 અને બુમરાહને 2 સફળતા મળી હતી. ભારતે પ્રથમ બેટિંગ કરતાં કેપ્ટન રોહિત શર્મા (208), શિખર ધવન (68), શ્રેયર (88) રનની મદદથી 50 ઓવરમાં 392 રન બનાવ્યા હતા. મોહાલી વનડેમાં જીત સાથે જ શ્રેણી 1-1ની બરાબરી પર આવી ગઈ છે.

રોહિત શર્માએ 151 બોલમાં 13 ફોર અને 12 સિક્સની મદદથી પોતાની ડબલ સેન્ચૂરી પુરી કરી હતી. રોહિત વિશ્વનો એકમાત્ર ખેલાડી છે જે ત્રીપલ ડબલ સેન્ચૂરી કરનાર ખેલાડી બની ગયો છે.