પિતા બિમાર પડતાં અડધી રાત્રે આ ભારતીય ક્રિકેટર બહાર નિકળ્યો પણ કોઈ ડૉક્ટરે દરવાજો ના ખોલ્યો.....

કોહલીએ પિતાના મૃત્યુની ઘટના વિશે કહ્યું કે એ ઘટનાએ મારી જિંદગીને બદલી નાખી હતી. ૨૦૦૬માં ૧૯ ડિસેમ્બરની રાતે તેના પિતા પ્રેમ કોહલીનું ૫૪ વર્ષની ઉંમરે બ્રેઇન સ્ટ્રોકથી મૃત્યુ થયું હતું

નવી દિલ્હીઃ ભારતીય ટીમના કેપ્ટન અને હાલના મહાન ક્રિકેટર એવા ખેલાડી કોહલીએ પોતાની અંગત વાતો બધાની સામે મુકી છે. કોહલીએ પોતાના પિતાના મૃત્યુનોએ એક ખાસ કિસ્સો જણાવ્યો, અને તે કઇ રીતે મહાન બન્યો તે અંગે તેને વાત કરી હતી. ટીમ ઇન્ડિયાના કેપ્ટન વિરાટ કોહલીએ એમી પુરસ્કાર વિજેતા અમેરિકાના પત્રકાર ગ્રેહામ બેનસિંગરના ચેટ શોમાં પોતાના પિતાની મૃત્યુ અંગે વાત કરી, કોહલીએ પિતાના મૃત્યુની ઘટના વિશે બોલતાં કહ્યું હતું કે એ ઘટનાએ મારી જિંદગીને બદલી નાખી હતી. ૨૦૦૬માં ૧૯ ડિસેમ્બરની રાતે તેના પિતા પ્રેમ કોહલીનું ૫૪ વર્ષની ઉંમરે બ્રેઇન સ્ટ્રોકથી મૃત્યુ થયું હતું. કોહલીએ કહ્યું કે, તે સમયે હું કર્ણાટક સામેની મેચમાં દિલ્હીને ફોલોઓનથી બચાવવા માટે ૯૦ રનની ઈનિંગે સાથે રમી રહ્યો હતો. આઉટ થયા બાદ હું મારા પિતાજીના અંતિમ સંસ્કારમાં જોડાયો હતો. મેં મારા પિતાને મારી આંખો સામે છેલ્લો શ્વાસ લેતા જોયા હતા, પિતાજીના મૃત્યની ઘટના મારા જીવનમાં સૌથી વધારે અસર કરી ગઇ હતી. કોહલીએ કહ્યું કે, પિતાજીની તબિયત બગડી ત્યારે અમે આસપાસના ડૉક્ટરોના ઘરે ગયા પણ કોઈએ દરવાજો ખોલ્યો નહીં. અમે તેમને હોસ્પિટલ લઈ ગયા પણ ડૉક્ટરો તેમને બચાવી શક્યા નહીં. રાત્રે અઢી વાગ્યે મારા પિતાજીનું મૃત્યુ થયું. મેં મારા ભાઈને કહ્યું હતું કે હું દેશ માટે રમવા માગું છું અને એ મારા પિતાજીનું પણ સપનું છે અને એ પૂરું કરીને રહીશ.