ભવિષ્યવાણીઃ કોહલી જીતાડશે વર્લ્ડકપ, તોડશે સચિનનો 100 સદીનો રેકોર્ડ

કોહલીની આ ડીલ વર્લ્ડટેલે સચિન તેંડુલકર સાથે કરેલી ડીલથી પણ મોટી હશે. સચિન તેંડુલકર 1990ના દાયકમાં જોરદાર પ્રદર્શન કરી રહ્યો હતો ત્યારે મૈસ્કરેનહાસે ક્રિકેટ સ્ટાર સાથે કરોડો રૂપિયાનો કરાર કર્યો હતો.

કોહલીએ સાઉથ આફ્રિકા પ્રવાસ દરમિયાન જોરદાર બેટિંગ કરીને ટીમ ઈન્ડિયાને પ્રથમ વખત આફ્રિકાની ધરતી પર વન-ડે અને ટી-20 સીરિઝ જીતાડી હતી.

ગત વર્ષે જ્યારે લોકો મર્યાદીત ઓવરોની મેચમાં મહેન્દ્ર સિંહ ધોનીના ટીમ ઈન્ડિયામાં સ્થાન પર સવાલ ઉઠાવી રહ્યા હતા ત્યારે આ જ્યોતિષે કહ્યું હતું કે 36 વર્ષીય ધોની ઇંગ્લેન્ડમાં 2019માં યોજાનારા વર્લ્ડકપમાં રમશે.

નાગપુરઃ ક્રિકેટમાં સચોટ ભવિષ્યવાણી માટે જાણીતા જ્યોતિષ નરેન્દ્ર બુંદેએ વિરાટ કોહલીને લઈ મોટી આગાહી કરી છે. તેમણે ભવિષ્યવાણી કરતાં કહ્યું છે કે વિરાટ કોહલી આ વર્ષે પણ આંતરરાષ્ટ્રીય ક્રિકેટમાં નવા સીમાચિહ્નો બનાવશે.

ભારતીય રમત અને આંતરરાષ્ટ્રીય ક્રિકેટમાં પણ કોઈએ નહીં કર્યો હોય તેવો એડ કોન્ટ્રાક્ટ કોહલી કરશે. તેમણે એમ પણ કહ્યું કે વિરાટની કેપ્ટનશિપમાં ટીમ ઈન્ડિયાને વિદેશી ધરતી પર સફળતા હાંસલ કરવાનો સમય આવી ગયો છે.

આ પહેલાં પણ બુંદેએ સચિન તેંડુલકરની ઇજામાંથી ટીમમાં વાપસી, ભારત રત્ન એવોર્ડ, પૂર્વ કેપ્ટન સૌરવ ગાંગુલીની ટીમમાં વાપસી અને 2011 વિશ્વકપ જીતવાની સાચી ભવિષ્યવાણી કરી હતી.

બુંદે પાસેથી સૌરવ ગાંગુલી, ઝહીર ખાન, ગૌતમ ગંભીર, સુરૈશ રૈના, મુરલી કાર્તિક સહિત ઘણા ક્રિકેટરો સલાહ લઇ ચૂક્યા છે.

બુંદેએ ભવિષ્યવાણી કરતાં કહ્યું કે, હું જોઈ શકું છે કે વિરાટ કોહલી 2025 સુધી ટી-20 અને વન-ડે વિશ્વકપનો ખિતાબ જીતવાની સાથે સચિન તેંડુલકરની 100 સદીનો પણ રેકોર્ડ તોડી દેશે. વિરાટ ચાલુ વર્ષે મોટી એન્ડોર્સમેન્ટ ડીલ કરશે.