શંકાસ્પદ બૉલિંગ એક્શનને લઇને વધુ એક બૉલર ફસાયો, ICCમાં થઇ ફરિયાદ

26 વર્ષીય બૉલર ક્રેગ બ્રેથવેટની બૉલિંગ એક્શન શંકાસ્પદ દેખાઇ છે, બ્રેથવેટ પાર્ટ ટાઇમ ઓફ સ્પિન બૉલિંગ કરે છે

નવી દિલ્હીઃ ક્રિકેટમાં શંકાસ્પદ બૉલિંગ કરવાના કિસ્સા અવારનવાર આઇસીસી પાસે આવી રહ્યાં છે. તાજેતરમાં જ કેન વિલિયમસન અને શ્રીલંકન બૉલરની બૉલિંગ શંકાસ્પદ હોવાની ફરિયાદ આઇસીસીમાં થઇ હતી. હવે આ મામલે વધુ એક બૉલર પર શંકાસ્પદ બૉલિંગ એક્શનને લઇને આઇસીસીમાં ફરિયાદ નોંધાઇ છે. આ બૉલર વેસ્ટઇ ઇન્ડિઝનો ખેલાડી ક્રેગ બ્રેથવેટ છે. ક્રેગ બ્રેથવેટ ઉપર ગયા અઠવાડિયે ભારત સામે રમાયેલી ટેસ્ટ સીરીઝ પુરી થયા બાદ આ ફરિયાદ કરવામાં આવી છે. ફરિયાદમાં ક્રેગ બ્રેથવેટની બૉલિંગ એક્શન શંકાસ્પદ હોવાનો દાવો કરવામાં આવ્યો છે. આઇસીસીની મીડિયા જાહેરાત અનુસાર, મેચ અધિકારીઓના રિપોર્ટમાં મેચ દરમિયાન આ 26 વર્ષીય બૉલર ક્રેગ બ્રેથવેટની બૉલિંગ એક્શન શંકાસ્પદ દેખાઇ છે, બ્રેથવેટ પાર્ટ ટાઇમ ઓફ સ્પિન બૉલિંગ કરે છે. આનો એક રિપોર્ટ વેસ્ટ ઇન્ડિઝ ક્રિકેટ બોર્ડને પણ સોંપવામાં આવ્યો છે.