MS Dhoni IPL 2026: એમએસ ધોની આજે હૈદરાબાદ સામે રમશે? શું કહે છે આ વીડિયો, જાણો અપડેટ્
MS Dhoni:ચાહકોને આશ્ચર્ય થઈ રહ્યું છે કે શું એમએસ ધોની આજની હૈદરાબાદ સામેની મેચમાં રમશે. જાણીએ આ મુદે શું છે માહિતી
- ધોની આજે સનરાઇઝર્સ સામે રમશે કે નહીં, ચાહકો ઉત્સુક.
- ધોનીના નેટ્સમાં છગ્ગા મારતા વીડિયોથી ચર્ચા તેજ બની.
- પગની ઈજાના કારણે ધોની આજની મેચ ગુમાવી શકે છે.
- આગામી મુંબઈ સામેની મેચમાં ધોનીની વાપસીની શક્યતા.
Will MS Dhoni Play Today Match Against SRH: IPL 2026 માં 18 એપ્રિલ, શનિવારના રોજ ડબલ હેડર રમાશે. બીજી મેચ સનરાઇઝર્સ હૈદરાબાદ અને ચેન્નાઈ સુપર કિંગ્સ વચ્ચે રમાશે. મેચ પહેલા ચાહકો વિચારી રહ્યા છે કે ધોની આ મેચમાં રમશે કે નહીં. ચાહકો ધોનીને મેદાન પર જોવા માટે ઉત્સુક છે.
𝐈𝐧 𝐡𝐢𝐬 𝐳𝐨𝐧𝐞!⚔️#WhistlePodu #Yellove pic.twitter.com/2zaudiTxNi
— Chennai Super Kings (@ChennaiIPL) April 17, 2026
નોંધનીય છે કે ચેન્નાઈ સુપર કિંગ્સે ગયા શુક્રવારે ધોનીનો એક વીડિયો શેર કર્યો હતો, જેમાં તે નેટ્સમાં છગ્ગા મારતો જોવા મળ્યો હતો. આ વીડિયોએ ચાહકોની ઉત્સુકતાને વધુ વેગ આપ્યો છે. ફ્રેન્ચાઇઝીએ 28 માર્ચે જાહેરાત કરી હતી કે ધોની પહેલા બે અઠવાડિયા માટે ટુર્નામેન્ટમાંથી બહાર થઈ શકે છે. આ સમયમર્યાદા હવે સમાપ્ત થઈ ગઈ છે.
શું ધોની આજે હૈદરાબાદ સામે રમશે?
ચેન્નાઈએ ધોનીની ભાગીદારી અંગે કોઈ સત્તાવાર અપડેટ્સ આપ્યા નથી. ટાઈમ્સ ઓફ ઈન્ડિયાના એક અહેવાલમાં જણાવાયું છે કે, ધોની આજની મેચ પણ ગુમાવી શકે છે. તે પગની પીઠની ઈજામાંથી સ્વસ્થ થઈ રહ્યો છે, પરંતુ આજની મેચ રમવા માટે તૈયાર નથી. એવું જાણવા મળ્યું છે કે ધોની આગામી મેચમાં ચેન્નાઈ માટે મુંબઈ ઈન્ડિયન્સ સામે રમી શકે છે, જે 23 એપ્રિલે રમાશે. માહી ક્યારે પાછો ફરશે તે જોવું રસપ્રદ રહેશે.
સીઝન પહેલા થઇ હતી ઈજા
ધોનીને સીઝનની શરૂઆત પહેલા પ્રેક્ટિસ દરમિયાન ઈજા થઈ હતી, જેના કારણે તે બહાર થઈ ગયો હતો. અહેવાલમાં એક સૂત્રને ટાંકીને કહેવામાં આવ્યું છે કે, "તે હજુ પણ રિહેૈબ થઈ રહ્યો છે અને અમે તેની ફિટનેસ સાથે કોઈ જોખમ નહીં લઈએ."
સીઝન દરમિયાન ચેન્નાઈનું પ્રદર્શન
ચેન્નાઈ સુપર કિંગ્સે અત્યાર સુધી પાંચ મેચ રમી છે, જેમાં ફક્ત બે જ જીતી છે. બાકીના ત્રણમાં તેઓ હારી ગયા છે. આજે હૈદરાબાદ સામે ટીમ કેવું પ્રદર્શન કરે છે તે જોવું રસપ્રદ રહેશે.
ટોપ સ્ટોરી
ટ્રેન્ડિંગ સમાચાર
