ઓસ્ટ્રેલિયાને હરાવીને ભારત મહિલા વિશ્વકપના ફાઈનલમાં, હરમનપ્રીત કૌરની આક્રમક સેન્ચુરી

ભેજવાળા વાતાવરણમાં સ્મૃતિ મંધાના પ્રથમ ઓવરમાં જ છ રન બનાવીને પેવેલિયન પરત ફરી હતી. ભારતનો સ્કોર 35 રનનો પહોંચ્યો હતો ત્યારે પૂનમ રાઉત પણ આઉટ થતાં બીજી વિકેટ પડી હતી. સુકાની મિતાલી રાજ અને હરમને ધીમી સ્કોરિંગ રેટથી બેટિંગ કરીને ઇનિંગ્સને ધીમે ધીમે આગળ વધારી હતી. મિતાલી બિમ્સની બોલિંગમાં 36 રન બનાવીને આઉટ થઇ હતી. તેણે હરમન સાથે ત્રીજી વિકેટ માટે 66 રન ઉમેર્યા હતા. આ સમયે ભારત 170 કે 180 રન સુધી પહોંચે તેવી પરિસ્થિતિ હતી પરંતુ હરમનપ્રીતે બાજી પલટી નાખી હતી.

ઇંગ્લેન્ડની ચાર્લોટ એડવર્ડ્સે 1997ના વર્લ્ડકપમાં આયરલેન્ડ સામે અણનમ 173 રન બનાવ્યા હતા. આ પછી હરમનપ્રીતની ઇનિંગ્સનો નંબર આવે છે. હરમનનો સ્કોર વન-ડે નોક આઉટ મેચમાં (ઓપનર સિવાય પુરુષ અને મહિલા મળીને) સર્વોચ્ચ સ્કોર છે.