વર્લ્ડકપ 2019: ઈંગ્લેન્ડે બાંગ્લાદેશ સામે બનાવ્યા અનેક રેકોર્ડ, જાણો વિગત

ઈંગ્લેન્ડે 50 ઓવરમાં 6 વિકેટના નુકસાન પર 386 રન બનાવ્યા હતા. આ દરમિયાન ઈંગ્લેન્ડની ક્રિકેટ ટીમે કેટલાક રેકોર્ડ્સ બનાવ્યા હતા.

કાર્ડિફઃ વર્લ્ડકપ 2019માં આજે 12મો મુકાબલો ઈંગ્લેન્ડ અને બાંગ્લાદેશ વચ્ચે રમાઈ રહ્યો છે. બાંગ્લાદેશના કેપ્ટને ટોસ જીતીને પ્રથમ બોલિંગ કરવાનો નિર્ણય લીધો હતો. ઈંગ્લેન્ડે 50 ઓવરમાં 6 વિકેટના નુકસાન પર 386 રન બનાવ્યા હતા. આ દરમિયાન ઈંગ્લેન્ડની ક્રિકેટ ટીમે કેટલાક રેકોર્ડ્સ બનાવ્યા હતા. -ઈંગ્લેન્ડેઆજે 386 રન ફટકારી વર્લ્ડકપમાં તેના ઈતિહાસનો સર્વોચ્ચ સ્કોર નોંધાવ્યો. આ પહેલા ઈંગ્લેન્ડનો વર્લ્ડકપમાં સર્વોચ્ચ સ્કોર 338 રન હતો. 2011ના વર્લ્ડકપમાં ઈંગ્લેન્ડે ભારત સામે બેંગ્લોરમાં 8 વિકેટના નુકસાન પર 338 રન બનાવ્યા હતા. - ઈંગ્લેન્ડે બાંગ્લાદેશ સામે બીજા નંબરનો સર્વોચ્ચ સ્કોર બનાવ્યો. પહેલા નંબરે પણ ઈંગ્લેન્ડ છે. 2005માં નોટિંઘહામમાં ઈંગ્લેન્ડે બાંગ્લાદેશ સામે 4 વિકેટના નુકસાન પર 391 રન બનાવ્યા હતા. - ઈંગ્લેન્ડે આજની વન ડે સહિત છેલ્લી સાત વન ડેમાં 300થી વધુનો સ્કોર નોંધાવ્યો. ક્રિકેટ વિશ્વની અન્ય ટીમો આ સિદ્ધી હાંસલ કરી શકી નથી.

- જેસન રોયે કરિયરની 9મી અને વર્લ્ડકપમાં પ્રથમ સદી ફટકારી. ચાલુ વર્લ્ડકપમાં જે ઈંગ્લેન્ડ તરફથી ત્રીજી સદી હતી. આ પહેલા પાકિસ્તાન સામે જો રૂટ અને જોસ બટલરે સદી ફટકારી હતી. ઈંગ્લેન્ડના કોઈ બેટ્સમેનો વર્લ્ડકપમાં અત્યાર સુધી બેથી વધારે સદી ફટકારી શક્યા નથી. જ્યારે આ વખતે આ રેકોર્ડ તૂટી ગયો છે. - 1996ના વર્લ્ડકપ બાદ ઈંગ્લેન્ડના બંને ઓપનરોએ માત્ર ત્રીજી વખત 50+નો સ્કોર બનાવ્યો. - સોફિયા ગાર્ડન પર અત્યાર સુધીનો સર્વોચ્ચ સ્કોર નોંધાવ્યો.

Our record World Cup score ✅ Highest ODI total at Sophia Gardens ✅ Highest innings total of #CWC19 so far ✅ First team ever to score 300+ in seven consecutive ODI innings ✅

Scorecard: https://t.co/eH5XOI6gaY#ExpressYourself #CWC19 #WeAreEngland pic.twitter.com/srdZQK4V6x — England Cricket (@englandcricket) June 8, 2019