બીજી વાર પિતા બનશે ભારતનો આ સ્ટાર વિકેટકીપર, ટ્વિટર પર આપા જાણકારી

સાહા દેબ્રતીને પ્રેમથી રોમી કહે છે. લાંબા સમયથી એકબીજાને ડેટ કર્યા બાદ બંનેએ 2011માં લગ્ન કર્યાં.

નવી દિલ્હીઃ ભારતના વિકેટકીપર બેટ્સમેન ઋદ્ધિમાન સાહાએ કહ્યું કે, તેની પત્ની રોમી મિત્રા ટૂંકમાં જ બીજી વખત માતા બનવાની છે. સાહાએ ટ્વિટર દ્વારા ફેન્સને આ જાણકારી આપી છે. ઋદ્ધિમાન સાહાએ ટ્વીટ કર્યું કે, ‘આ જન્મદિવસ માટે માટે વિશેષ છે. અમે મારા પરિવારમાં નવા સભ્યની રાહ જોઈ રહ્યા છીએ. અમે ગર્વ સાથે એ જાહેરાત કરીએ છીએ કે અમે બીજી વખત માતા-પિતા બનવા જઈ રહ્યા છીએ. અમારા માટે પ્રાર્થના કરતા રહો.’

This birthday is a bit special...we are eagerly waiting to welcome a new addition to our family. Proudly announcing that we are expecting a baby for the second time! Keep us in your prayers! ???? @Romimitra pic.twitter.com/ILFbUUiu5S

— Wriddhiman Saha (@Wriddhipops) October 24, 2019

ઋદ્ધિમાન સાહાનું નામ દુનિયાના બેસ્ટ વિકેટકીપર્સમાં એક છે, જે રીતે ઋદ્ધિમાન સાહાએ ક્રિકેટ જગતમાં એન્ટ્રી કરી એ ખૂબજ રસપ્રદ છે, એ જ રીતે તેની લવસ્ટોરી પણ બહુ રસપ્રદ છે. સાહાની રોમી સાથે મુલાકાત સોશિયલ નેટવર્કિંગ સાઈટ ઑરકુટ પર થઈ હતી. જ્યારે સાહાએ રોમીને ઓરકુટ પર જોઇ તો જોતો જ રહી ગયો. ત્યારબાદ બંને વચ્ચે મિત્રતા થઈ અને પછી ધીરે-ધીરે એ મિત્રતા પ્રેમમાં ફેરવાઈ. સાહા દેબ્રતીને પ્રેમથી રોમી કહે છે. લાંબા સમયથી એકબીજાને ડેટ કર્યા બાદ બંનેએ 2011માં લગ્ન કર્યાં. બંનેની એક દીકરી પણ છે. આફ્રિકા વિરૂદ્ધ હાલમાં જ પૂરી થયેલ સીરીઝમાં સાહાએ ત્રણ મેચમાં વિકેટકીપર બેટ્સમેન તરીકેની ભૂમિકા નિભાવી હતી.