Starlinkને ટક્કર આપવા આવી રહ્યું છે Amazon Leo, આ વાત આપના માટે જાણવું જરૂરી
એલોન મસ્કની કંપની સ્ટારલિંક સાથે સ્પર્ધા કરવા માટે એમેઝોન LEO લોન્ચ કરી રહ્યું છે. એમેઝોને તેના પ્રોજેક્ટ કુઇપરનું નામ બદલીને એમેઝોન LEO રાખ્યું છે. આ વર્ષે સેવા શરૂ થઈ શકે છે.
એલોન મસ્કના સેટેલાઇટ ઇન્ટરનેટ આપનાર સ્ટારલિંક સાથે સ્પર્ધા કરવા માટે, એમેઝોન તેની નવી એમેઝોન લીઓ સેવા શરૂ કરી રહ્યું છે. મૂળ પ્રોજેક્ટ કુઇપર તરીકે ઓળખાતી, હવે તેનું નામ બદલીને એમેઝોન લીઓ રાખવામાં આવ્યું છે. અહેવાલ છે કે, આ સેવા આ વર્ષે એન્ટરપ્રાઇઝ માટે શરૂ થશે, જ્યારે આવતા વર્ષે સામાન્ય યુઝ્સ માટે શરૂ થશે. એમેઝોન કહે છે કે તે એવા વિસ્તારોમાં કનેક્ટિવિટી પ્રદાન કરવા માટે હજારો ઉપગ્રહોનો ઉપયોગ કરશે જ્યાં મોબાઇલ નેટવર્ક્સ ઍક્સેસિબલ નથી.
એમેઝોન કહે છે કે, દૂરના વિસ્તારો ઉપરાંત, મોટા શહેરોમાં એવી જગ્યાઓ પણ છે જ્યાં ઇન્ટરનેટ કનેક્શન સુલભ નથી. તેથી, આ વિસ્તારોને સેટેલાઇટ નેટવર્ક દ્વારા આવરી લેવામાં આવશે. એમેઝોન પ્રોજેક્ટ કુઇપર નામથી વર્ષોથી આ પર કામ કરી રહ્યું હતું, પરંતુ હવે નામ બદલાઈ ગયું છે. એમેઝોન લીઓ નામ સૂચવે છે કે આ સિસ્ટમ લો અર્થ ઓર્બિટ (LEO) માં મૂકવામાં આવેલા ઉપગ્રહો દ્વારા સંચાલિત થશે.
એમેઝોન લીઓ કેવી રીતે કામ કરશે?
એમેઝોનના ગેટવે એન્ટેના જમીન પર લાગેલા હોય છે, જે ઉપગ્રહો સાથે ડેટાનું વિનિમય કરે છે. ત્યારબાદ ગ્રાહકો તેમના ઘરો અથવા ઓફિસોમાં નાના એન્ટેનાનો ઉપયોગ કરશે. સ્પીડના આધારે પર Leo Nano, Leo Pro અને Leo Ultraને પસંદ કરી શકે છે. તેમાં એડવાન્સ પ્રોસેસર લાગેલા હોય છે. જેનાથી તે સેટેલાઇટખી ડાયરેક્ટ ઇંટરનેટ કનેક્ટીવિટી આપે કરે છે.
એમેઝોન 3,000 ઉપગ્રહો લોન્ચ કરશે
એમેઝોન 3,000 ઉપગ્રહો અવકાશમાં લોન્ચ કરવાની યોજના ધરાવે છે. આ ગ્રાહકોને મજબૂત અને સ્થિર કનેક્ટિવિટી પ્રદાન કરવા માટે સાથે મળીને કામ કરશે. એમેઝોને આ ઉપગ્રહોને અવકાશમાં મોકલવા માટે સ્પેસએક્સ, બ્લુ ઓરિજિન, એરિયનસ્પેસ અને યુએલએ પાસેથી 80 રોકેટ લોન્ચ બુક કર્યા છે. સમગ્ર નેટવર્કને પૂર્ણ થવામાં વર્ષો લાગવાની ધારણા છે.
ટોપ સ્ટોરી
ટ્રેન્ડિંગ સમાચાર
