ઓક્ટોબરમાં ભારતમાં Apple Pay થશે લોન્ચ, પરંતુ નહીં મળે UPI સર્વિસ, જાણો શું હશે ખાસ?

iPhone નિર્માતા કંપનીની ડિજિટલ પેમેન્ટ સર્વિસ એપલ પે ઓક્ટોબર સુધીમાં ભારતમાં લોન્ચ થવાની તૈયારીમાં છે

એપલ પે ઓક્ટોબર સુધીમાં ભારતમાં લોન્ચ થવાની તૈયારીમાં છે

Source : Photo: AI

Show Quick Read

Key points generated by AI, verified by newsroom

• એપલ પે ભારતમાં ઓક્ટોબર સુધીમાં લોન્ચ, ક્રેડિટ કાર્ડ સપોર્ટ.
• શરૂઆતમાં UPI સપોર્ટ નહીં, NFC થી કાર્ડ દ્વારા ચૂકવણી.
• ઇન્ટરનેટ વગર NFC થી ચૂકવણી, પિન વગર સુરક્ષિત.

Apple Pay:  iPhone નિર્માતા કંપનીની ડિજિટલ પેમેન્ટ સર્વિસ એપલ પે ઓક્ટોબર સુધીમાં ભારતમાં લોન્ચ થવાની તૈયારીમાં છે. આનાથી કંપનીને દેશના પ્રીમિયમ ક્રેડિટ કાર્ડ સેગમેન્ટમાં સ્થાન મળશે અને દરેક ટ્રાન્જેક્શન પર ફી મળશે. જોકે, શરૂઆતમાં તે UPIને સપોર્ટ કરશે નહીં.

શરૂઆતના તબક્કામાં Apple Pay વીઝા અને માસ્ટરકાર્ડ જેવા વૈશ્વિક નેટવર્કના ક્રેડિટ કાર્ડને સપોર્ટ કરશે. બિઝનેસ સ્ટાન્ડર્ડના અહેવાલ મુજબ, કંપની અન્ય વૈશ્વિક બજારોની જેમ જ ફ્રેમવર્કનો ઉપયોગ કરશે.

શરૂઆતમાં શું ઉપલબ્ધ થશે?

લોન્ચ સમયે એપલ પે યુનિફાઇડ પેમેન્ટ્સ ઇન્ટરફેસ (UPI) દ્વારા કરવામાં આવેલા ટ્રાન્જેક્શનને સપોર્ટ કરશે નહીં. UPIની સુવિધા આપવા માટે એપલને નેશનલ પેમેન્ટ્સ કોર્પોરેશન ઓફ ઇન્ડિયા (NPCI) પાસેથી મંજૂરી મેળવવાની અને આવા ટ્રાન્જેક્શનને રૂટ કરવા માટે સ્પોન્સરિંગ બેંક સાથે ભાગીદારી કરવાની જરૂર પડશે. તેથી શરૂઆતમાં તે ફક્ત વીઝા અને માસ્ટરકાર્ડના પ્રીમિયમ ક્રેડિટ અને ડેબિટ કાર્ડને સપોર્ટ કરશે. આઇફોન અને એપલ વોચ યુઝર્સ તેમના કાર્ડ્સ એપલ વોલેટમાં સેવ કરી શકે છે અને ફક્ત એક ટેપથી પોઈન્ટ ઓફ સેલ (PoS) મશીનો પર ચુકવણી કરી શકે છે.

આ ફોનપે અને પેટીએમથી કેટલું અલગ છે?

PhonePe અને Paytm દ્વારા ચુકવણી કરવા માટે તમારે એપ્લિકેશન ખોલીને QR કોડ સ્કેન કરવાની જરૂર છે. આ માટે ઇન્ટરનેટ ઍક્સેસની જરૂર છે. જોકે, Apple Pay ને ઇન્ટરનેટની જરૂર નથી. તમારે ફક્ત તમારા iPhone અથવા Apple Watch ને પેમેન્ટ મશીનની નજીક લાવવું પડશે. NFC ટેકનોલોજીનો ઉપયોગ કરીને ફોન લૉક હોય તો પણ તે કાર્ય કરે છે.                                                    

PhonePe, Google Pay અને Paytm તમારા બેન્ક એકાઉન્ટ અથવા વૉલેટમાંથી પૈસા કપાઈ જાય છે જ્યારે Apple Pay તમારા ક્રેડિટ અથવા ડેબિટ કાર્ડનો ઉપયોગ કરે છે. PhonePe, Google Pay અને Paytmને ટ્રાન્જેક્શન પૂર્ણ કરવા માટે PINની જરૂર પડે છે, પરંતુ Apple Pay ને PINની જરૂર નથી. તે ફેસ ID અથવા ટચ IDનો ઉપયોગ કરીને તાત્કાલિક ચુકવણી કરવાની મંજૂરી આપે છે.    

આ પણ વાંચો

iPhone Ultra: પહેલા ફૉલ્ડેબલ આઇફોનની કિંમત કેટલી હશે ? સામે આવી જાણકારી

How to Set UPI AutoPay: બિલ ભરવાનું યાદ નથી રહેતું. PhonePe - Google Pay પર UPI AutoPay કરો સેટ