9 સપ્ટેમ્બરે Appleનો પહેલો ફોલ્ડેબલ iPhone થઈ શકે છે લોન્ચ, જાણો ફીચર્સ, કિંમત

Appleના નવા પ્રોડક્ટ્સને લઈને યુઝર્સમાં ચર્ચા વધી રહી છે. કંપનીએ પોતાના મોટા લોન્ચ ઇવેન્ટની તારીખ નક્કી કરી દીધી છે. દુનિયાભરમાં મોકલવામાં આવેલા ઇનવિટેશનમાં “Surprise and shine” ટેગલાઇન આપવામાં આવી છે.

Apple Event 2026

Source : abp live

Show Quick Read

Key points generated by AI, verified by newsroom

• Apple 9 સપ્ટેમ્બરે ઇવેન્ટ યોજશે, ફોલ્ડેબલ iPhoneની અપેક્ષા.
• ચાઈનીઝ આમંત્રણમાં 'unfolds' શબ્દ ફોલ્ડેબલ ફોનનો સંકેત મળ્યો.
• John Ternusના નેતૃત્વમાં આ પહેલો મોટો iPhone લોન્ચ ઇવેન્ટ.
• ફોલ્ડેબલ iPhone ₹1.91 લાખથી શરૂ થવાની શક્યતા.

Appleના ફોલ્ડેબલ iPhoneની લાંબા સમયથી રાહ જોવાઈ રહી છે. હવે આ રાહ પૂરી થવાની નજીક હોય તેવું લાગી રહ્યું છે. Appleએ પોતાના વાર્ષિક લોન્ચ ઇવેન્ટની તારીખ જાહેર કરી છે. કંપની 9 સપ્ટેમ્બરે કેલિફોર્નિયાના ક્યુપરટિનો સ્થિત Steve Jobs Theaterમાં મોટું ઇવેન્ટ યોજશે. આ વખતે ઇવેન્ટ એટલા માટે પણ ખાસ છે કારણ કે કંપનીનો પહેલો ફોલ્ડેબલ iPhone લોન્ચ થવાની ચર્ચા તેજ બની છે. આ John Ternusના નેતૃત્વમાં યોજાનાર પહેલો મોટો iPhone લોન્ચ ઇવેન્ટ હશે.

ચાઇનીઝ ઇનવિટેશને વધાર્યું ફોલ્ડેબલ iPhoneનું સસ્પેન્સ

Appleએ હજુ સ્પષ્ટ કર્યું નથી કે, 9 સપ્ટેમ્બરના ઇવેન્ટમાં કયા-કયા ડિવાઇસ લોન્ચ કરવામાં આવશે. દુનિયાભરમાં મોકલવામાં આવેલા ઇનવિટેશનમાં “Surprise and shine” ટેગલાઇન આપવામાં આવી છે. જોકે, Appleની ચાઇનીઝ વેબસાઇટ પર શેર કરવામાં આવેલા ઇવેન્ટ ઇનવિટેશનમાં અલગ સંદેશ જોવા મળ્યો છે.

ચાઇનીઝ ઇનવિટેશનનો અનુવાદ “A new chapter unfolds, dazzling and brilliant” કરવામાં આવ્યો છે. તેમાં આવેલા “unfolds” શબ્દે ફોલ્ડેબલ iPhone અંગેની ચર્ચાને વધુ વેગ આપ્યો છે. રિપોર્ટ્સ અનુસાર, આ Appleના પહેલા ફોલ્ડેબલ iPhone તરફ સંકેત હોઈ શકે છે.

John Ternusની આગેવાનીમાં પહેલો મોટો લોન્ચ

આ ઇવેન્ટના થોડા દિવસો પહેલાં Appleમાં મોટો ફેરફાર થવાનો છે. John Ternus 1 સપ્ટેમ્બરે સત્તાવાર રીતે Appleના CEOનું પદ સંભાળશે અને Tim Cookનું સ્થાન લેશે. Tim Cook ત્યારબાદ Executive Chairmanની ભૂમિકા નિભાવશે.

આ સ્થિતિમાં 9 સપ્ટેમ્બરનું ઇવેન્ટ Ternusના નેતૃત્વમાં Appleનું પહેલું મોટું iPhone લોન્ચ હશે. રિપોર્ટ્સમાં એવો પણ દાવો કરવામાં આવ્યો છે કે કંપનીનો પહેલો ફોલ્ડેબલ iPhone iPhone Ultra નામથી આવી શકે છે.

iPhone 18 Proથી લઈને Foldable iPhone સુધી

9 સપ્ટેમ્બરના ઇવેન્ટમાં Apple iPhone 18 Pro અને iPhone 18 Pro Max લોન્ચ કરે તેવી અપેક્ષા છે. બંને મોડલમાં મોટા ફેરફારોની જગ્યાએ કેટલાક સામાન્ય અપગ્રેડ મળવાની ચર્ચા છે.

જોકે, સ્ટાન્ડર્ડ iPhone 18 આ ઇવેન્ટમાં લોન્ચ કરવામાં નહીં આવે. રિપોર્ટ્સ અનુસાર, iPhone 18, iPhone 18e અને iPhone Air 2ને 2027ના પ્રથમ છ મહિનામાં રજૂ કરવામાં આવી શકે છે.

કેવો હોઈ શકે પહેલો Foldable iPhone?

રિપોર્ટ્સ અનુસાર, Appleના ફોલ્ડેબલ ફોનમાં બુક-સ્ટાઇલ ડિઝાઇન આપવામાં આવી શકે છે. તેમાં લગભગ 7.8 ઇંચની ઇન્ટરનલ ડિસ્પ્લે અને લગભગ 5.5 ઇંચની બહારની સ્ક્રીન હોવાની અપેક્ષા છે.

ઇન્ટરનલ સ્ક્રીન પર અંડર-ડિસ્પ્લે કેમેરા અને બહારની ડિસ્પ્લે પર પંચ-હોલ કેમેરા મળી શકે છે. ફોનના પાછળના ભાગમાં ડ્યુઅલ-કેમેરા સેટઅપ આપવામાં આવે તેવી પણ ચર્ચા છે.

કેટલાક રિપોર્ટ્સમાં Touch IDની વાપસીની શક્યતા પણ વ્યક્ત કરવામાં આવી છે. શરૂઆતના અનુમાનો અનુસાર, આ ફોલ્ડેબલ iPhoneની કિંમત લગભગ 2,000 ડોલર એટલે કે આશરે ₹1.91 લાખથી શરૂ થઈ શકે છે.