Instagram યુઝર્સ માટે મોટું એલર્ટ, Meta AIનો દુરઉપયોગ કરી રહ્યાં છે હૈકર્સ
Instagram Hacked By Meta AI: હેકર્સે મેટાના AI સહાયકનો ઉપયોગ કરીને ઘણા મોટા Instagram એકાઉન્ટ્સ હેક કર્યા. કંપનીએ હવે કહ્યું છે કે તે આ સમસ્યાને ઠીક કરી રહી છે.
- હેકર્સે મેટાના AI ટૂલનો દુરુપયોગ કરી એકાઉન્ટ્સ હેક કર્યા.
- AI ટૂલનો ઉપયોગ કરીને પાસવર્ડ રીસેટ કોડ મોકલી એકાઉન્ટ્સ પર કબજો જમાવ્યો.
- મેટાએ સુરક્ષા નબળાઈ સુધારી, અસરગ્રસ્ત એકાઉન્ટ્સ સુરક્ષિત કરાયા.
- મલેશિયામાં બાળકોના ઓનલાઈન સુરક્ષા માટે કડક નિયમો લાગુ કરાયા.
Instagram Hacked By Meta AI:મેટાએ તેના મેટા એઆઈ આસિસ્ટન્ટને તેના તમામ પ્લેટફોર્મમાં એકીકૃત કરી દીધું છે, જેમાં ઇન્સ્ટાગ્રામ, વોટ્સએપ અને ફેસબુકનો સમાવેશ થાય છે. હવે, હેકર્સ તેનો દુરુપયોગ કરી રહ્યા છે અને મેટાના પોતાના પ્લેટફોર્મને નિશાન બનાવી રહ્યા છે. તાજેતરના એક કિસ્સામાં, હેકર્સે મેટાના એઆઈ ટૂલનો ઉપયોગ કરીને ઘણા હાઇ-પ્રોફાઇલ ઇન્સ્ટાગ્રામ એકાઉન્ટ્સ સાથે ચેડા કર્યા. આ એકાઉન્ટ્સમાં બરાક ઓબામાના રાષ્ટ્રપતિ દરમિયાન બનાવેલ વ્હાઇટ હાઉસ હેન્ડલ અને યુએસ સ્પેસ ફોર્સના એક વરિષ્ઠ અધિકારીનું એકાઉન્ટ શામેલ છે. આ ખુલાસા પછી, મેટાએ આ સમસ્યાને ઠીક કરી દીધી
આ કેસ કેવી રીતે પ્રકાશમાં આવ્યો?
અહેવાલો અનુસાર, હેકર્સે મેટાના AI ટૂલનો ઉપયોગ કરીને તેમના નિયંત્રણ હેઠળના ઇમેઇલ સરનામાં પર પાસવર્ડ રીસેટ કોડ મોકલ્યા. આનાથી તેઓ યુઝર્સના ડિવાઇસને હેક કર્યા વિના એકાઉન્ટ્સ ઍક્સેસ કરી શક્યા. ડાર્ક વેબ ઇન્ફોર્મર અને ZachXBT નામના સુરક્ષા સંશોધકે સૌપ્રથમ આ નબળાઈનો પર્દાફાશ કર્યો. ત્યારબાદ, ટેલિગ્રામ, X અને Reddit પર ઘણા યુઝર્સે આરીતે એકાઉન્ટ ટેકઓવરની ઘટનાને રિપોર્ટ કરી.
આ પણ વાંચો: YouTube પર AI વીડિયોની હવે નહીં ચાલે ચાલાકી, ખુદ બતાવી દેશે કઇ કન્ટેન્ટ છે નકલી
ઇન્સ્ટાગ્રામે સમસ્યાને સોલ્વ કર્યાની કરી સ્પષ્ટતા
ઇન્સ્ટાગ્રામે આ સમસ્યાને ઠીક કરી દીધી છે. મેટાના પ્રવક્તાએ સોમવારે જણાવ્યું હતું કે સુરક્ષા નબળાઈને ઠીક કરવામાં આવી છે અને અસરગ્રસ્ત એકાઉન્ટ્સને સુરક્ષિત કરવામાં આવી રહ્યા છે. કંપનીએ આ રીતે કેટલા એકાઉન્ટ્સને નિશાન બનાવવામાં આવ્યા હતા તે જાહેર કર્યું નથી.
મલેશિયમાં બાળકો નહિ ચલાવી શકે ઇંસ્ટાગ્રામ
મલેશિયાએ 16 વર્ષથી ઓછી ઉંમરના બાળકોને ઇન્ટરનેટ મીડિયા એકાઉન્ટ બનાવવા પર પ્રતિબંધ મૂક્યો છે. નિયમમાં ઉલ્લંઘન કરવા બદલ સોશિયલ મીડિયા પ્લેટફોર્મ પર ભારે દંડ ફટકારવામાં આવશે. આ નિયમનો ઉદેશ બાળકોને ઓનલાઇન ખતરાથી બચાવવાનો છે
આ નિયમ હેઠળ, ઇન્ટરનેટ મીડિયા પ્લેટફોર્મ્સે વય ચકાસણી સિસ્ટમ લાગુ કરવાની રહેશે અને 16 વર્ષથી ઓછી ઉંમરના યુઝર્સને એકાઉન્ટ બનાવવાથી અટકાવવાની રહેશે. આ નિયમો ફેસબુક, ઇન્સ્ટાગ્રામ, ટિકટોક અને યુટ્યુબ સહિત અન્ય પર લાગુ પડે છે.
જે કંપનીઓ પાલન કરવામાં નિષ્ફળ જાય છે તેમને દંડનો સામનો કરવો પડશે!
જે કંપનીઓ પાલન કરવામાં નિષ્ફળ જાય છે તેમને 10 લાખ રિંગિટ (૨.૫ મિલિયન યુએસ ડોલર) સુધીનો દંડ થઈ શકે છે. સરકારે જણાવ્યું હતું કે આ પગલાં બાળકોને હાનિકારક સામગ્રી અને સાયબર ધમકીઓથી બચાવવા માટે છે.
આવા નિયમો ઘણા દેશોમાં લાગૂ છે.
ઓસ્ટ્રેલિયા, બ્રાઝિલ અને ઇન્ડોનેશિયા સહિત અન્ય દેશોએ પણ બાળકોના ઇન્ટરનેટ મીડિયાના ઉપયોગ પર વય-આધારિત પ્રતિબંધો અથવા આવશ્યકતાઓ લાગુ કરવાની યોજનાઓ લાગુ કરી છે અથવા જાહેર કરી છે. યુકે, ફ્રાન્સ, સ્પેન, ડેનમાર્ક, થાઇલેન્ડ અને દક્ષિણ કોરિયા સહિત અન્ય દેશો પણ સમાન નિયમો વિશે વિચારી રહ્યાં છે.
ટોપ સ્ટોરી
ટ્રેન્ડિંગ સમાચાર
