BSNL ની ધમાકા ઓફર, માત્ર 1 રુપિયામાં 24 દિવસ ચાલશે SIM, કોલિંગ-SMS-ઈન્ટરનેટ બધું મફત
જોકે હવે સારા સમાચાર એ છે કે તમે ફક્ત 1 રૂપિયામાં તમારા સિમને 24 દિવસ માટે એક્ટિવ રાખી શકો છો.
- BSNL એ નવા ગ્રાહકો માટે ₹1 નો પ્લાન રજૂ કર્યો.
- પ્લાનમાં 24 દિવસ, અમર્યાદિત કોલિંગ અને ડેટાનો લાભ.
- નવું BSNL સિમ ખરીદીને આ પ્લાન મેળવી શકાય.
રિચાર્જ પ્લાન વધુને વધુ મોંઘા થઈ રહ્યા છે. આ કારણે ડ્યુઅલ સિમ વાપરનારાઓ માટે વધુ મુશ્કેલીઓ ઊભી થઈ રહી છે. જોકે હવે સારા સમાચાર એ છે કે તમે ફક્ત 1 રૂપિયામાં તમારા સિમને 24 દિવસ માટે એક્ટિવ રાખી શકો છો. સરકારી ટેલિકોમ કંપનીએ ફરી એકવાર 1 રૂપિયાની ઓફર લોન્ચ કરી છે. કંપની આ ઓફર દ્વારા નવા વપરાશકર્તાઓને આકર્ષવાનો પ્રયાસ કરી રહી છે.
સરકારી ટેલિકોમ કંપની ભારત સંચાર નિગમ લિમિટેડ (BSNL) એ તેના ગ્રાહકો માટે ફક્ત 1 રૂપિયામાં પ્રીપેડ પ્લાન રજૂ કર્યો છે. જોકે આ કંપની દ્વારા આપવામાં આવેલ ફર્સ્ટ રિચાર્જ કૂપન (FRC) છે. ફર્સ્ટ રિચાર્જ કૂપનનો સીધો અર્થ એ છે કે કંપની ફક્ત તે ગ્રાહકોને જ આ ઓફર આપશે જેઓ નવું સિમ કાર્ડ ખરીદતા હોય. આ પ્લાન 24 દિવસની વેલિડિટી આપે છે. તે સમગ્ર ભારતમાં ઉપલબ્ધ છે.
BSNLનો 1 રૂપિયાનો પ્લાન
BSNLનો આ 1 રૂપિયાનો પ્લાન 24 દિવસની વેલિડિટી સાથે આવે છે. આ FRC પ્લાન વપરાશકર્તાઓને અનલિમિટેડ વોઇસ કોલિંગ પ્રદાન કરે છે. તે દરરોજ 1GB ડેટા પ્રદાન કરે છે. જે વપરાશકર્તાઓને કુલ 24GB ડેટા આપે છે. વપરાશકર્તાઓને દરરોજ 100 SMS નો લાભ પણ મળે છે.
આ પ્લાનની કિંમત ફક્ત ₹0.04 (4 પૈસા) પ્રતિ દિવસ છે. નોંધ કરો કે ગ્રાહક આ પ્લાનનો ઉપયોગ ફક્ત એક જ વાર કરી શકે છે. જો તમે તેને બીજી વખત યૂઝ કરવા માંગતા હોય તો તમારે નવું સિમ કાર્ડ લેવાની જરૂર પડશે. જૂના સિમ કાર્ડને સક્રિય રાખવા માટે તમારું આગામી રિચાર્જ દેશભરમાં ઉપલબ્ધ નિયમિત પ્રીપેડ પ્લાન સાથે કરવાની જરૂર પડશે.
Kabhi-kabhi connection ki shuruaat bas ₹1 se hoti hai. #BSNLIndia #BSNLSelfCareApp #InternetForEveryone #DigitalLife #IndiaOnline #BSNLServices #SmartIndia #EverydayConnectivity #freedom1 @CMDBSNL @robertravi21 https://t.co/ETOokN6K8i
— BSNL India (@BSNLCorporate) September 16, 2026
કંપનીએ આ પ્લાન પહેલા પણ ઓફર કર્યો છે
BSNL એ આ પ્લાન પહેલા પણ ઘણી વખત રજૂ કર્યો છે અને સમય સમય પર તેને પાછો ખેંચી પણ લીધો છે. જો તમે આ પ્લાન સાથે રિચાર્જ કરવા માંગતા હોય તો તમે BSNL સિમ ખરીદી શકો છો. તમે નવું સિમ કાર્ડ ઓનલાઈન બુક કરી શકો છો. તમે તેને તમારી નજીકની BSNL ઓફિસ અથવા અધિકૃત રિટેલર પાસેથી પણ ખરીદી શકો છો.
એ નોંધવું જોઈએ કે BSNL હાલમાં તેના 4G ટાવર્સને અપગ્રેડ કરી રહ્યું છે. દેશભરમાં કામ ચાલી રહ્યું છે. BSNL 4G નેટવર્ક હવે ઘણી સાઇટ્સ પર ઉપલબ્ધ છે. જેનાથી વપરાશકર્તાઓ ઝડપી ઇન્ટરનેટનો આનંદ માણી શકે છે અને સ્પષ્ટ વૉઇસ કૉલ કરી શકે છે.
ટોપ સ્ટોરી
ટ્રેન્ડિંગ સમાચાર
