BSNL ની ધમાકેદાર ઓફર! માત્ર 1 રૂપિયામાં અનલિમિટેડ કોલિંગ અને રોજ 1 GB ડેટા, જાણો શરત

સરકારી ટેલિકોમ કંપની BSNL એ નવા ગ્રાહકો માટે પોતાનો 1 રૂપિયાનો પ્રીપેડ FRC પ્લાન ફરી લોન્ચ કર્યો છે. જેમાં 24 દિવસની વેલિડિટી સાથે ડેટા, ફ્રી કોલિંગ અને SMS નો શાનદાર લાભ મળશે.

bsnl 1 rupee prepaid frc plan offer 24 days validity data calling

Source : ai

Show Quick Read

Key points generated by AI, verified by newsroom

• BSNL એ ₹1 નો પ્રીપેડ પ્લાન નવા ગ્રાહકો માટે ફરી લોન્ચ કર્યો.
• તેમાં 24 દિવસ વેલિડિટી, 1GB ડેટા, અનલિમિટેડ કોલિંગ ઉપલબ્ધ.
• જૂના પ્લાન કરતાં ઓછી વેલિડિટી, દૈનિક ડેટા મળે છે.

BSNL 1 rupee recharge plan: સરકારી ટેલિકોમ કંપની ભારત સંચાર નિગમ લિમિટેડ (BSNL) ના ગ્રાહકો માટે એક જબરદસ્ત ખુશખબર છે! જો તમે સસ્તા રિચાર્જ પ્લાનની શોધમાં છો, તો BSNL તમારી માટે એક અદભુત ઓફર લઈને આવ્યું છે. કંપનીએ પોતાનો સૌથી ચર્ચિત એવો માત્ર 1 રૂપિયાનો પ્રીપેડ રિચાર્જ પ્લાન ફરીથી લોન્ચ કરી દીધો છે. થોડા સમય માટે કંપનીએ આ પ્લાનને પોતાના પોર્ટફોલિયોમાંથી હટાવી દીધો હતો, પરંતુ હવે તમામ ટેલિકોમ સર્કલમાં તેને પાછો લવાયો છે. આ સસ્તા રિચાર્જમાં તમને 24 દિવસની વેલિડિટી, મોબાઈલ ડેટા, અનલિમિટેડ કોલિંગ અને SMS જેવી ઘણી બધી શાનદાર સુવિધાઓ મળે છે.

આ 1 રૂપિયાના પ્લાનની શરત શું છે અને કોને ફાયદો થશે?

જોકે, BSNL ની આ આકર્ષક ઓફરનો લાભ લેવા માટે એક નાનકડી શરત રાખવામાં આવી છે. આ પ્લાનનો ફાયદો ફક્ત અને ફક્ત BSNL ના નવા ગ્રાહકોને જ મળશે. કંપનીએ આ પ્લાનને FRC એટલે કે ફર્સ્ટ રિચાર્જ કૂપન (First Recharge Coupon) ની કેટેગરીમાં રાખ્યો છે. આનો સીધો અર્થ એ છે કે, જ્યારે તમે નવું BSNL સિમ કાર્ડ ખરીદો છો, ત્યારે તમારા પહેલા રિચાર્જ તરીકે જ તમે આ 1 રૂપિયાના પ્લાનનો ઉપયોગ કરી શકશો.

જે લોકો પહેલેથી જ BSNL ના ગ્રાહક છે અથવા જૂના કનેક્શનનો ઉપયોગ કરી રહ્યા છે, તેઓ આ ઓફરનો લાભ નહીં લઈ શકે. જો તમે નવું સિમ લેવાનું વિચારી રહ્યા છો, તો કોઈ લાંબા ગાળાના મોંઘા પ્લાનમાં પૈસા નાખતા પહેલા માત્ર 1 રૂપિયો ખર્ચીને કંપનીની સર્વિસ અને નેટવર્કનું ટેસ્ટિંગ કરવાનો આ બેસ્ટ ઓપ્શન છે.

મળશે 24 દિવસની વેલિડિટી અને રોજ 1 GB ડેટા

BSNL ના આ 1 રૂપિયાના FRC પ્લાનમાં તમને પૂરા 24 દિવસની સર્વિસ વેલિડિટી મળે છે. આ 24 દિવસ સુધી ગ્રાહકોને રોજ 1 GB હાઈ-સ્પીડ મોબાઈલ ડેટા આપવામાં આવશે. એટલે કે આખા પ્લાન દરમિયાન તમને કુલ 24 GB ડેટા વાપરવા મળશે.

ડેટાની સાથે કંપની શાનદાર વોઇસ કોલિંગ અને મેસેજિંગની સુવિધા પણ આપી રહી છે. આખા 24 દિવસ સુધી ગ્રાહકો કોઈપણ વધારાના ચાર્જ વિના અનલિમિટેડ વોઇસ કોલિંગની મજા માણી શકશે. આટલું જ નહીં, તમને દરરોજ 100 ફ્રી SMS પણ મળશે, જેનાથી તમે 24 દિવસમાં કુલ 2400 SMS મોકલી શકશો.

આ પણ વાંચોઃ BSNL નો ધમાકેદાર પ્લાન: 200 Mbps સ્પીડ, 27 OTT ફ્રી અને ₹88 નું ડિસ્કાઉન્ટ

જૂના અને નવા 1 રૂપિયાના પ્લાનમાં શું તફાવત છે?

પ્લાનની કિંમત ભલે 1 રૂપિયો જ રહી હોય, પરંતુ કંપનીએ તેના ફાયદાઓ અને વેલિડિટીમાં થોડો ફેરફાર કર્યો છે. અગાઉ જ્યારે આ 1 રૂપિયાનો પ્લાન મળતો હતો, ત્યારે તેમાં ગ્રાહકોને 30 દિવસની વેલિડિટી અને રોજ 2 GB ડેટા મળતો હતો (એટલે કે આખા મહિનાનો કુલ 60 GB ડેટા).

પરંતુ હવે ફરીથી લોન્ચ થયેલા આ નવા પ્લાનમાં વેલિડિટી ઘટાડીને 24 દિવસની અને રોજનો ડેટા 1 GB કરી દેવામાં આવ્યો છે. જોકે, સારી વાત એ છે કે અનલિમિટેડ કોલિંગ અને રોજના 100 SMS ની સુવિધા પહેલાની જેમ જ યથાવત રાખવામાં આવી છે.

આ પણ વાંચોઃ Jio-Airtel ની ઊંઘ હરામ કરવા BSNL લાવ્યું સસ્તો બ્રોડબેન્ડ પ્લાન, માત્ર 259 રૂપિયામાં મળશે અનલિમિટેડ ડેટા અને OTT ફ્રી