8th Pay Commission :કેન્દ્રીય કર્મચારીઓ સાવધાન, આઠમા પગાર પંચને લઈને થતાં આ વોટ્સએપ સ્કેમથી રહો સચેત
Eighth Pay Commission: ઠગ કેન્દ્રીય કર્મચારીઓને વોટ્સએપ મેસેજ મોકલી રહ્યાં છે, જેમાં દાવો કરવામાં આવી રહ્યો છે કે તેઓ આઠમા પગાર પંચ હેઠળ તાત્કાલિક તેમની રિવાઝ્ડસ સેલેરીનું મુલ્યાંકન કરી શકે છે.
Eighth Pay Commission Updates:લગભગ 1 કરોડ કેન્દ્ર સરકારના કર્મચારીઓ અને પેન્શનરો આઠમા પગાર પંચની આતુરતાથી રાહ જોઈ રહ્યા છે. સાયબર ગુનેગારો આ આતુરતાનો લાભ લઈને એક નવા વોટ્સએપ કૌભાંડનો ઉપયોગ કરી રહ્યા છે. અહેવાલો અનુસાર, છેતરપિંડી કરનારાઓ કેન્દ્ર સરકારના કર્મચારીઓને વોટ્સએપ સંદેશા મોકલી રહ્યા છે જેમાં દાવો કરવામાં આવી રહ્યો છે કે, તેઓ આઠમા પગાર પંચ હેઠળ તેમના સુધારેલા પગારનું તાત્કાલિક મૂલ્યાંકન કરી શકે છે. તેઓ એક લિંક મોકલે કરે છે, જે પછી તેમને તેના પર ક્લિક કરવા અને APK ફાઇલ ડાઉનલોડ કરવા માટે સંકેત આપે છે.
છેતરપિંડી કેવી રીતે થઈ રહી છે?
પહેલી નજરે, તે એક સરળ પગાર કેલ્ક્યુલેટર લાગે છે, પરંતુ વાસ્તવમાં તે માલવેરનો એક ખતરનાક ભાગ છે. એકવાર .યુઝર્સ APK ફાઇલ ડાઉનલોડ કરી લે છે, તો છેતરપિંડી કરનારાઓ તેમના મોબાઇલ ઉપકરણનો રિમોટ એક્સેસ મેળવે છે. તેઓ તમારા ફોનમાંથી સંવેદનશીલ ડેટા ચોરી શકે છે. તેઓ તેમના બેંક ખાતાઓમાંથી પૈસા ઉપાડવા માટે બેંકિંગ એપ્લિકેશનો, OTP અને પાસવર્ડ્સનો ઉપયોગ કરી શકે છે.
અધિકારીઓ ચેતવણી આપે છે કે, યુઝર્સને ઘણીવાર તરત જ ખ્યાલ આવતો નથી કે, તેમની સાથે છેતરપિંડી થઈ છે. જ્યારે તેઓને ખબર પડે છે, ત્યારે તેમના ખાતાઓમાંથી પૈસા ઉપાડી ગયા હોય છે.
સરકારે શું કહ્યું?
સરકારે આવા શંકાસ્પદ વોટ્સએપ સંદેશાઓ અને લિંક્સથી સાવધ રહેવા માટે જાહેર ચેતવણી જાહેર કરી છે. આઠમા પગાર પંચ સંબંધિત કોઈપણ સત્તાવાર માહિતી ફક્ત સરકારી વેબસાઇટ અથવા અધિકૃત સ્ત્રોતો દ્વારા જ જાહેર કરવામાં આવશે.
શું કરવું અને શું ન કરવું?
કોઈપણ અજાણી લિંક્સ પર ક્લિક કરશો નહીં.
વોટ્સએપ અથવા સોશિયલ મીડિયા દ્વારા પ્રાપ્ત APK ફાઇલો ડાઉનલોડ કરશો નહીં.
ફક્ત ગૂગલ પ્લે સ્ટોર/એપલ એપ સ્ટોર પરથી જ એપ્સ ડાઉનલોડ કરો.
કોઈની સાથે બેંકિંગ વિગતો, OTP અથવા પાસવર્ડ શેર કરશો નહીં.
જો તમને શંકાસ્પદ પ્રવૃત્તિ દેખાય, તો તાત્કાલિક બેંક અથવા સાયબર ક્રાઇમ હેલ્પલાઇન (1930) ને તેની જાણ કરો.
એકંદરે, આઠમા પગાર પંચની આસપાસની જિજ્ઞાસા સમજી શકાય તેવી છે, પરંતુ સાયબર ગુનેગારો આનો લાભ લઈ રહ્યા છે. શ્રેષ્ઠ બચાવ એ છે કે સતર્ક રહેવું.
ટોપ સ્ટોરી
ટ્રેન્ડિંગ સમાચાર
