કેન્દ્ર સરકારે 30 જૂન, 2026 સુધીમાં નકલી લોન એપ્સ સહિત કુલ 3,718 મોબાઇલ એપ્સ બ્લોક કરી છે. આ ઉપરાંત, 15.75 લાખથી વધુ સિમ કાર્ડ અને 5.77 લાખ IMEI નંબર પણ બ્લોક કરવામાં આવ્યા છે.
શોધખોળ કરો
Cyber Fraud : કેન્દ્ર સરકારની ડિજિટલ સ્ટ્રાઈક, 3,718 મોબાઈલ એપ પર પ્રતિબંધ, 15.75 લાખ સિમ કર્યા બ્લોક
Cyber Fraud : દેશમાં ઝડપથી વધી રહેલા સાયબર ગુનાઓ (Cyber Crimes) અને નકલી લોન એપ્સ (Fake Loan Apps) મારફતે થતી છેતરપિંડીને રોકવા માટે કેન્દ્ર સરકારે વ્યાપક કાર્યવાહી કરી છે.
છેતરપિંડીને રોકવા માટે કેન્દ્ર સરકારે વ્યાપક કાર્યવાહી કરી છે
Source : freepik
- સાયબર છેતરપિંડી રોકવા 3,718 એપ્સ, લાખો સિમ બ્લોક કરાયા.
- I4C એ ₹11,158 કરોડથી વધુની છેતરપિંડી થતી અટકાવી.
- શંકાસ્પદ રજિસ્ટ્રીથી ₹25,698 કરોડના શંકાસ્પદ વ્યવહારો રોકાયા.
Cyber Fraud : દેશમાં ઝડપથી વધી રહેલા સાયબર ગુનાઓ (Cyber Crimes) અને નકલી લોન એપ્સ (Fake Loan Apps) મારફતે થતી છેતરપિંડીને રોકવા માટે કેન્દ્ર સરકારે વ્યાપક કાર્યવાહી કરી છે. ગૃહ મંત્રાલય (MHA) એ મંગળવારે લોકસભામાં માહિતી આપી હતી કે 30 જૂન, 2026 સુધી નકલી લોન એપ્સ સહિત કુલ 3,718 મોબાઇલ એપ્સ બ્લોક કરવામાં આવી છે. ભાજપના સાંસદ પીસી મોહનના સવાલના લેખિત જવાબમાં કેન્દ્રીય ગૃહ રાજ્યમંત્રી બંદી સંજય કુમારે જણાવ્યું હતું કે આ અભિયાન હેઠળ 15.75 લાખથી વધુ સિમ કાર્ડ અને 5.77 લાખ IMEI નંબર પણ બ્લોક કરવામાં આવ્યા છે.
₹11,158 કરોડથી વધુની બચત
ગૃહ રાજ્યમંત્રીએ ગૃહને માહિતી આપી કે ભારતીય સાયબર ક્રાઇમ કોઓર્ડિનેશન સેન્ટર (I4C) દ્વારા સંચાલિત સિટીઝન ફાઇનાન્શિયલ સાયબર ફ્રોડ રિપોર્ટિંગ એન્ડ મેનેજમેન્ટ સિસ્ટમ (CFCFRMS) એ નાણાકીય છેતરપિંડી અટકાવવામાં નોંધપાત્ર સફળતા મેળવી છે. 30 જૂન, 2026 સુધીમાં મળેલી 32.80 લાખથી વધુ ફરિયાદો પર તાત્કાલિક કાર્યવાહી કરીને ₹11,158 કરોડથી વધુ રકમ સાયબર છેતરપિંડી કરનારાઓના હાથમાં જતા બચાવી લેવામાં આવી છે.
શંકાસ્પદ રજિસ્ટ્રી અને મ્યૂલ એકાઉન્ટ્સ પર કડક કાર્યવાહી
સાયબર ગુનેગારોને ઓળખવા અને ગેરકાયદેસર વ્યવહારોને રોકવા માટે I4Cએ 10 સપ્ટેમ્બર, 2024ના રોજ બેન્કો અને નાણાકીય સંસ્થાઓ સાથે મળીને 'સસ્પેક્સ રજિસ્ટ્રી' (Suspect Registry) શરૂ કરી છે.
આ વ્યવસ્થા હેઠળ:
બેન્કો પાસેથી મળેલા 30.48 લાખથી વધુ શંકાસ્પદ ઓળખ ડેટા શેર કરવામાં આવ્યો હતો.
32.08 લાખ લેયર-1 મ્યૂલ એકાઉન્ટ્સ ઓળખવામાં આવ્યા હતા અને નાણાકીય સંસ્થાઓ સાથે વિગતો શેર કરવામાં આવી હતી.
આ દેખરેખ પદ્ધતિની મદદથી 30 જૂન, 2026 સુધીમાં ₹25,698 કરોડના શંકાસ્પદ વ્યવહારોને નકારી કાઢવામાં આવ્યા છે.
માહિતી ટેકનોલોજી કાયદા હેઠળ કાર્યવાહી
આ સમગ્ર કાર્યવાહી I4C દ્વારા માહિતી ટેકનોલોજી કાયદા 2000ની કલમ 69(A) અને કલમ 79(3)(b) હેઠળ હાથ ધરવામાં આવી હતી. વધુમાં અનધિકૃત ઓનલાઈન સામગ્રી સામે ઝડપી કાર્યવાહી માટે 'સહયોગ' પોર્ટલ પણ શરૂ કરવામાં આવ્યું છે. સરકારે એપ્રિલ 2026થી 'મની રિસ્ટોરેશન મોડ્યુલ' ને સંપૂર્ણપણે કાર્યરત કર્યું છે જેથી બેન્ક ખાતાઓને ફ્રીઝ કરવા સંબંધિત સમસ્યાઓનો ઉકેલ લાવવા માટે નેશનલ સાયબર ક્રાઈમ રિપોર્ટિંગ પોર્ટલ (NCRP) અને 'ફરિયાદ નિવારણ મોડ્યુલ' દ્વારા પીડિતોના નાણાંનું ઝડપી રિફંડ સુનિશ્ચિત કરી શકાય.
Frequently Asked Questions
સાયબર ગુનાઓ અને નકલી લોન એપ્સ રોકવા માટે સરકારે શું પગલાં લીધાં છે?
સાયબર ફ્રોડથી નાણાકીય નુકસાન અટકાવવામાં I4Cની શું ભૂમિકા છે?
I4C દ્વારા સંચાલિત CFCFRMS એ 30 જૂન, 2026 સુધીમાં મળેલી 32.80 લાખથી વધુ ફરિયાદો પર કાર્યવાહી કરી છે. આનાથી ₹11,158 કરોડથી વધુ રકમ સાયબર છેતરપિંડી કરનારાઓના હાથમાં જતા બચાવી લેવામાં આવી છે.
'સસ્પેક્સ રજિસ્ટ્રી' શું છે અને તે કેવી રીતે કાર્ય કરે છે?
'સસ્પેક્સ રજિસ્ટ્રી' એ સાયબર ગુનેગારોને ઓળખવા અને ગેરકાયદેસર વ્યવહારો રોકવા માટે બેન્કો સાથે મળીને શરૂ કરાયેલી એક વ્યવસ્થા છે. આનાથી 30.48 લાખથી વધુ શંકાસ્પદ ઓળખ ડેટા અને 32.08 લાખ મ્યૂલ એકાઉન્ટ્સ ઓળખી શકાયા છે, જેના કારણે ₹25,698 કરોડના શંકાસ્પદ વ્યવહારો નકારવામાં આવ્યા છે.
સાયબર ક્રાઇમ સામે કયા કાયદા હેઠળ કાર્યવાહી કરવામાં આવે છે?
આ સમગ્ર કાર્યવાહી માહિતી ટેકનોલોજી કાયદા 2000ની કલમ 69(A) અને કલમ 79(3)(b) હેઠળ હાથ ધરવામાં આવી હતી. અનધિકૃત ઓનલાઈન સામગ્રી સામે 'સહયોગ' પોર્ટલ પણ શરૂ કરવામાં આવ્યું છે.
ટોપ સ્ટોરી
ટેકનોલોજી
Airtel vs Jio: ઇન્ટરનેટ સ્પીડ અને વિશ્વાસપાત્ર નેટવર્કમાં Airtelએ મારી બાજી, Jio પાછળ
ટેકનોલોજી
Microsoft Outage: વૈશ્વિક સ્તરે માઈક્રોસોફ્ટની સેવાઓ ઠપ, આઉટલુક અને ટીમ્સ બંધ થવાથી લાખો યૂઝર્સ પરેશાન
ટેકનોલોજી
Nvidiaના CEO પદેથી જેન્સન હુઆંગનું રાજીનામું, ચીની મહિલા સાથે અફેર બાદ થયો હતો વિવાદ
ટેકનોલોજી
જિયોએ પોતાના વેલ્યૂ પેકમાં કર્યો ફેરફાર, ઈન્ટરનેટ વિના ખરીદો સસ્તા પ્લાન
ટ્રેન્ડિંગ સમાચાર
