![ABP Premium](https://cdn.abplive.com/imagebank/Premium-ad-Icon.png)
Social Media Down: ફેસબુક-ઇન્સ્ટાગ્રામ સપ્તાહમાં બીજી વખત થયા ડાઉન, કંપનીએ યૂઝર્સની માગી માફી
ફેસબુકે કહ્યું કે અમને માફ કરો. કેટલાક લોકોને અમારી એપ્લિકેશન્સ અને વેબસાઇટ્સને એક્સેસ કરવામાં મુશ્કેલી આવી રહી છે.
![Social Media Down: ફેસબુક-ઇન્સ્ટાગ્રામ સપ્તાહમાં બીજી વખત થયા ડાઉન, કંપનીએ યૂઝર્સની માગી માફી facebook instagram down for second time in a week company apologizes to users Social Media Down: ફેસબુક-ઇન્સ્ટાગ્રામ સપ્તાહમાં બીજી વખત થયા ડાઉન, કંપનીએ યૂઝર્સની માગી માફી](https://feeds.abplive.com/onecms/images/uploaded-images/2021/09/12/288fa3bff7c52bf20d8bed970dca87ae_original.png?impolicy=abp_cdn&imwidth=1200&height=675)
નવી દિલ્હી: સોશિયલ મીડિયા પ્લેટફોર્મ ફેસબુક અને ઇન્સ્ટાગ્રામની સેવા એક સપ્તાહમાં બીજી વખત ડાઉન થઈ છે. સર્વર ડાઉન થવાને કારણે ફેસબુક અને ઇન્સ્ટાગ્રામ થોડા સમય માટે બંધ હતા. જેના કારણે ઘણા યુઝર્સને સમસ્યાઓનો સામનો કરવો પડ્યો હતો. જોકે, હવે સેવા પુનસ્થાપિત કરવામાં આવી છે. અગાઉ, રવિવાર-સોમવાર દરમિયાન (3 થી 4 ઓક્ટોબર વચ્ચે), ઇન્સ્ટાગ્રામ, ફેસબુક અને વોટ્સએપના સર્વર લગભગ છ કલાક માટે બંધ હતા.
ફેસબુકે કહ્યું કે અમને માફ કરો. કેટલાક લોકોને અમારી એપ્લિકેશન્સ અને વેબસાઇટ્સને એક્સેસ કરવામાં મુશ્કેલી આવી રહી છે. જો તમે અમારી સેવાનો ઉપયોગ ન કરી શક્યા તેના માટે અમે દિલગીર છીએ. અમે જાણીએ છીએ કે તમે એકબીજા સાથે વાતચીત કરવા માટે અમારા પર કેટલા નિર્ભર છો. હવે અમે સમસ્યા હલ કરી છે. આ વખતે પણ ધીરજ રાખવા બદલ ફરી આભાર.
We’re so sorry if you weren’t able to access our products during the last couple of hours. We know how much you depend on us to communicate with one another. We fixed the issue — thanks again for your patience this week.
— Facebook (@Facebook) October 8, 2021
તે જ સમયે, ઇન્સ્ટાગ્રામએ તેના નિવેદનમાં કહ્યું કે અમે દિલગીર છીએ. તમારામાંના કેટલાકને હમણાં ઇન્સ્ટાગ્રામનો ઉપયોગ કરવામાં થોડી સમસ્યા આવી રહી છે. અમે દિલગીર છીએ. હાલમાં બધું જ ઠીક થઈ ગયું છે ને હવે બધુ સામાન્ય થઈ જવું જોઈએ. અમને સહકાર આપવા બદલ આભાર.
We know some of you may be having some issues using Instagram right now (🥲). We’re so sorry and are working as quickly as possible to fix.
— Instagram Comms (@InstagramComms) October 8, 2021
તમને જણાવી દઈએ કે, ફેસબુકની સાથે સાથે ભારતમાં તેના અન્ય સોશિયલ મીડિયા પ્લેટફોર્મ પર મોટી સંખ્યામાં યુઝર્સ છે. આ વર્ષની શરૂઆતમાં સરકારી ડેટા મુજબ ભારતમાં 53 કરોડ વોટ્સએપ યુઝર્સ, 41 કરોડ ફેસબુક યુઝર્સ અને 21 કરોડ ઇન્સ્ટાગ્રામ યુઝર્સ છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)