ઇન્ટરનેટ-કૉલિંગ માટે બેસ્ટ છે જિઓ-એરટેલ-વીઆઇનો આ ખાસ પ્લાન, સાથે મળી રહ્યું છે આટલુ બધુ

કોરોના મહામારીના કારણે લોકોનો ઇન્ટરનેટ વપરાશ વધુ ઝડપથી વધ્યો છે. ખાસ કરીને ઘરેથી કામ કરનારા લોકો ઇન્ટરનેટનો વધુ ઉપયોગ કરી રહ્યાં છે. આને ધ્યાનમાં રાખીને ટેલિકૉમ કંપનીઓ પણ નવા નવા પ્લાન લૉન્ચ કરી રહી છે

પ્રતિકાત્મક તસવીર

નવી દિલ્હીઃ કોરોના મહામારીના કારણે લોકોનો ઇન્ટરનેટ વપરાશ વધુ ઝડપથી વધ્યો છે. ખાસ કરીને ઘરેથી કામ કરનારા લોકો ઇન્ટરનેટનો વધુ ઉપયોગ કરી રહ્યાં છે. આને ધ્યાનમાં રાખીને ટેલિકૉમ કંપનીઓ પણ નવા નવા પ્લાન લૉન્ચ કરી રહી છે. જો તમે આવો કોઇ સસ્તો અને દમદાર પ્લાન લેવા માંગતા હોય તો અહીં છે. જિઓ-એરટેલ-વીઆઇ આ ત્રણે ટેલિકૉમ કંપનીઓએ માર્કેટમાં 84 દિવસના ખાસ પ્લાન લૉન્ચ કર્યા છે, જેમાં તે કૉલિંગ અને ઇન્ટરનેટની સાથે અન્ય ખાસ સુવિધાઓ પણ આપી રહી છે. જાણો આ પ્લાન વિશે...... Reliance Jio રિલાયન્સ જિઓ પોતાના યૂઝર્સ માટે એફોર્ડેબલ પ્રીપેડ પ્લાન લાંબી વેલિડિટી સાથે રજૂ કરી રહી છે. 329 રૂપિયાની કિંમતવાળા આ પ્લાનની વેલિડીટી 84 દિવસની છે. આ પેકમાં માત્ર 6 જીબી ડેટા મળે છે. તેની સાથે જ આ પેકમાં જિયો ટૂ જિયો અનલિમિટેડ કોલિંગની સુવિધા પણ મળે છે. જ્યારે અન્ય નેટવર્ક પર કોલિંગ માટે આ પ્લાનમાં 3000 મિનિટ્સ મળે છે. ઉપરાંત તેમાં 1000 એસએમએસ પણ મળે છે. કંપનીએ આ પ્લાનમાં જિઓ એપ્સનું કોમ્પ્લિમેન્ટરી સબ્સક્રિપ્શન આપી રહી છે. Airtel જિયો ઉપરાંત એરટેલ પણ પોતાના યૂઝર્સને આવા જ પ્લાન આપી રહી છે. એરટેલના આ પ્લાન 379 રૂપિયાનો છે, જેમાં 6 જીબી ડેટા આપવામાં આવી રહ્યો છે. આ પ્લાન અંતર્ગત તમામ નેટવર્ક્સ પર અનલિમિટેડ કોલિંગ ઉપરાંત દરરોજ 100 એસએમએસ ફ્રી આપવામાં આવી રહ્યા છે. તેમાં એરટેલ એક્સટ્રીમ પ્રીમિયમનું ફ્રી સબ્સક્રિપ્શન પણ મળી રહ્યું છે. આ પ્લાનની વેલિડિટી 84 દિવસની છે. Vodafone- Idea વોડાફોન-આઈડિયાના 379 રૂપિયાવાળા આ પ્લાનમાં યૂઝર્શને કુલ 6 જીબી ડેટા અને 1000 ફ્રી એસએમએસ મળી રહ્યા છે. આ પ્લાન અંતર્ગત તમામ નેટવર્ક્સ પર અનલિમિટેડ કોલિંગની સુવિધા મળી રહી છે. આ પ્લાન પણ 84 દિવસની વેલિડિટી સાથે આવે છે.