699 રૂપિયાથી ઓછી કિંમતમાં આવે છે આ ખાસ પ્લાન્સ, દરરોજ મળશે 4GB સુધીનો ડેટા

Airtelની પાસે પણ હાલમાં 84 દિવસની વેલિડિટીવાળો એક ખાસ પ્લાન છે જેની કિંમત 598 રૂપિયા છે.

નવી દિલ્હીઃ હાલમાં Vodafone, Airtel અને Jioની પાસે શોર્ટ ટર્મ અને લોંગ ટર્મ પ્રમાણે અનેક પ્લાન્સ ઉપલબ્ધ છે. અહીં અમે તમને આ ત્રણેય કંપનીઓના તર્ણ એવા ખાસ પ્લાન્સ વિશે જણાવી રહ્યા છીએ જેમાં રોજ 4જીબી સુધી ડેટા મળે છે. સાથે જ અનેક ઓફર્સ પણ મળે છે. આવો જાણીએ આ પ્લાન્સ વિશે. Vodafoneનો 84 દિવસની વેલિડિટીનો પ્લાન 84 દિવસની વેલિડિટીની સાથે વોડાફોનનો ખાસ પ્લાન આ માર્કેટમાં ઉપલબ્ધ છે જેની કિંમત 699 રૂપિયા છે. વોડાફોનના આ પ્લાનને ડબલ ડેટા ઓફર નામ આપવામાં આવ્યું. છે. આ પ્લાન અનુસાર વોડાફોનના પ્રીપેડ ગ્રાહકો 2+2 એટલે કે 4 જીબી ડેટા દરરોજ મળશે. તેની સાથે જ કોઈપણ નેટવર્ક પર વાત કરવા માટે અનલિમિટેડ કોલિંગ અને 100 એસએમએસ રોજ ફ્રી મળી રહ્યા છે. આ પ્લાનની સાથે ઝી5નું સબ્ક્રિપ્શન પણ ફ્રીમાં મળી રહ્યું છે. Airtelનો 84 દિવસની વેલિડિટીવાળો પ્લાન

Airtelની પાસે પણ હાલમાં 84 દિવસની વેલિડિટીવાળો એક ખાસ પ્લાન છે જેની કિંમત 598 રૂપિયા છે. આ પ્લાન અંતર્ગત ગ્રાહકોને રોજ 2 જીબી ડેટા મળશે. એટલું જ નહીં આ પ્લાન રોજ 100 એસએમએસ ફ્રી કરી શકાય છે. જ્યારે કોલિંગની વાત કરીએ તો Airtelના આ પ્લાનની સાથે દેશના કોઈપણ નંબર પર અનલિમિટેડ વોયસ કોલની સુવિધા મળી રહી છે. Jioનો 84 દિવસની વેલિડિટીવાળો પ્લાન Jioના 599 રૂપિયાવાળા પ્લાનમાં રોજ 2 જીબી ડેટા ઓફર કરવામાં આવી રહ્યા છે. આ પ્લાન 84 દિવસની વેલિડિટી સાથે આવે છે. ગ્રાહકો માટે આ પ્લાનમાં Jio નેટવર્ક્સ માટે અનલિમિટેડ કોલિંગની સુવિધા મળે છે. જ્યારે અન્ય નેટવર્ક્સ પર કોલ કરવા માટે આ પ્લાનમાં 3000 મિનિટ્સ મળી જાય છે. ઉપરાંત આ પ્લાનમાં રોજ 100 ફ્રી એસએમએસ પણ મળે છે. સાથે જ Jio એપ્સનું ફ્રી સબ્સક્રિપ્શન પણ મળે છે.