ઇલેક્ટ્રિક કારને ચાર્જ કરવી થઇ ખૂબ જ સરળ, ગૂગલ મેપ્સમાં આવ્યું આ ફીચર

Google Maps:ઇલેક્ટ્રિક કારના માલિકોને હવે ચાર્જિંગ સ્ટેશન શોધવામાં મુશ્કેલી નહીં પડે

પ્રતિકાત્મક તસવીર

Source : Getty

EV charging stations on Google Maps: ઇલેક્ટ્રિક કારના માલિકોને હવે ચાર્જિંગ સ્ટેશન શોધવામાં મુશ્કેલી નહીં પડે. ગૂગલ મેપ્સ હવે લોકોની આ સમસ્યાને દૂર કરવા જઈ રહ્યું છે. હવે ગૂગલ મેપ્સમાં એક નવું ફીચર ઉમેરવામાં આવી રહ્યું છે, જેનાથી ઇલેક્ટ્રિક કાર ચાર્જ કરવા માટે સ્ટેશન શોધવાનું સરળ બનશે. ગૂગલ મેપ્સમાં એક નવું અપડેટ કરવામાં આવી રહ્યું છે, જેના કારણે એપ્લિકેશન પર EV ચાર્જિંગ સ્ટેશન વિશે પણ માહિતી આપવામાં આવશે. આવનારા સમયમાં આ ફીચર ગૂગલ મેપ્સ પર અપડેટ કરવામાં આવશે.

EV ચાર્જિંગ સ્ટેશન શોધવાનું સરળ બનશે

દેશમાં ઈલેક્ટ્રિક કારની વધતી માંગ સાથે ચાર્જિંગ સ્ટેશનની સંખ્યા પણ વધી રહી છે. આજકાલ ઇલેક્ટ્રિક કાર માટે ચાર્જિંગ સ્ટેશન શોધવું એ એક મોટું કામ છે. ઇલેક્ટ્રિક કારના માલિકોને ચાર્જિંગ સ્ટેશન શોધવામાં ઘણી મુશ્કેલીનો સામનો કરવો પડે છે. ગૂગલ મેપ્સમાં આવનારા અપડેટથી લોકોની આ સમસ્યા ઓછી થઈ શકે છે. ગૂગલ મેપ્સ દ્વારા ચાર્જિંગ સ્ટેશન શોધવું એ પેટ્રોલ પંપ શોધવા જેટલું સરળ બની શકે છે.

તમને EV ચાર્જિંગ સ્ટેશન વિશે સંપૂર્ણ માહિતી મળશે

ગૂગલ મેપ્સનો દાવો છે કે આર્ટિફિશિયલ ઈન્ટેલિજન્સની મદદથી યુઝર રિવ્યુ લીધા બાદ મેપ પર EV ચાર્જરનું લોકેશન બતાવવામાં આવશે. આ ફીચર દ્વારા ગૂગલ મેપ્સના અન્ય યુઝર્સને ચાર્જિંગ સ્ટેશનનો રસ્તો બતાવવામાં આવશે. આ એપ પર દિશા-નિર્દેશો આપવા સાથે EV ચાર્જિંગ સ્ટેશનનો ઉપયોગ કરનાર વ્યક્તિ પાસેથી રિવ્યૂ પણ લેવામાં આવશે. આ રિવ્યૂમાં ચાર્જિંગ સ્ટેશન વિશે વધુ માહિતી યુઝર્સ પાસેથી એકત્રિત કરવામાં આવશે. ચાર્જિંગ સ્ટેશન પર ઇન્સ્ટોલ કરેલા ચાર્જિંગ પ્લગ અને ચાર્જિંગ કતારમાં લાગેલા સમય અંગે પણ યુઝર્સ પાસેથી રિવ્યૂ માંગવામાં આવશે.

ગૂગલ મેપ્સ શરૂઆતમાં બિલ્ટ-ઇન વાહનો માટે આ સુવિધા આપવા જઈ રહ્યું છે અને જેમ જેમ આ ઇલેક્ટ્રિક વાહનોમાં બેટરીનું સ્તર ઘટતું જોવા મળશે, કારમાં ડિસ્પ્લે પર EV ચાર્જિંગ સ્ટેશન વિશેની માહિતી દેખાશે. સૌથી પહેલા ગૂગલ મેપ અમેરિકા (યુએસ)માં આ સુવિધા આપવા જઈ રહ્યું છે. આ પછી આ સુવિધા ભારત સહિત વિશ્વના અન્ય દેશોમાં આવી શકે છે.