શું પાણીમાં ડૂબવાથી ખરાબ થઈ જશે Apple Watch? જાણો શું છે હકિકત

એપલના ઘણા બધા ડિવાઇસ માર્કેટમાં ઉપલબ્ધ છે જેને લોકો ખૂબ પસંદ કરે છે. આ જ શ્રેણીમાં એપલ વોચ યુવાનો વચ્ચે ખૂબ જ લોકપ્રિય ડિવાઇસ છે. એપલ વોચમાં યુઝર્સને ઘણા બધા એડવાન્સ ફીચર્સ જોવા મળી જાય છે.

એપલ વોચ

Source : Pixabay

Show Quick Read

Key points generated by AI, verified by newsroom

• એપલ વોચ સંપૂર્ણ વોટરપ્રૂફ નહીં, પરંતુ વોટર રેઝિસ્ટન્ટ છે.
• રસાયણો, દબાણવાળું પાણી તેની સુરક્ષા ઘટાડી શકે છે.
• ભીની થાય તો નરમ કપડાથી સાફ કરી હવાથી સૂકવો.
• અલ્ટ્રા સિરીઝ વધુ ઊંડા પાણી માટે શ્રેષ્ઠ વિકલ્પ છે.

Apple Watch: એપલના ઘણા બધા ડિવાઇસ માર્કેટમાં ઉપલબ્ધ છે જેને લોકો ખૂબ પસંદ કરે છે. આ જ શ્રેણીમાં એપલ વોચ યુવાનો વચ્ચે ખૂબ જ લોકપ્રિય ડિવાઇસ છે. એપલ વોચમાં યુઝર્સને ઘણા બધા એડવાન્સ ફીચર્સ જોવા મળી જાય છે. પરંતુ તેને ખરીદતા પહેલા સૌથી મોટો સવાલ એ જ થાય છે કે જો તે ભૂલથી પાણીમાં પડી જાય અથવા તેને પહેરીને સ્વિમિંગ કરીએ તો શું એપલ વોચ ખરાબ થઈ જશે? ચાલો જાણીએ શું છે તેની સત્યતા.

 

શું Apple Watch પૂરી રીતે Waterproof છે?

સૌથી પહેલા એ સમજવું જરૂરી છે કે Apple Watchને પૂરી રીતે Waterproof નહીં પરંતુ Water Resistant બનાવવામાં આવી છે. એટલે કે તે એક ચોક્કસ મર્યાદા સુધી જ પાણીનો સામનો કરી શકે છે, પરંતુ એનો અર્થ એ નથી કે તેને દરેક પ્રકારના પાણીમાં કે ઊંડાઈમાં સુરક્ષિત માનવામાં આવે.

એપલ વોચની વોટર રેઝિસ્ટન્સ ક્ષમતા સમય જતાં ઘટી પણ શકે છે. જો ઘડિયાળને જોરદાર આંચકો લાગે, તેની સ્ક્રીન તૂટી જાય કે લાંબા સમય સુધી ઉપયોગ કરવામાં આવે તો તેની સુરક્ષા પહેલા જેવી રહેતી નથી.

કઈ જગ્યાઓએ થઈ શકે છે નુકસાન?

એપલ વોચ પાણીનો સામનો કરી શકે છે પરંતુ દરેક પ્રકારનું પાણી આ ડિવાઇસ માટે સેફ નથી હોતું. સાબુ, શેમ્પૂ, ડિટર્જન્ટ, પરફ્યુમ, સનસ્ક્રીન, લોશન અને કેમિકલયુક્ત પાણીથી તેની સીલ અને બહારનું કોટિંગ ખરાબ થઈ શકે છે.

આ સિવાય પાણીનો ઝડપી પ્રવાહ, વોટર સ્કીઇંગ, જેટ સ્કી કે હાઇ-પ્રેશર વોટર જેટ જેવી એક્ટિવિટી પણ ઘડિયાળને નુકસાન પહોંચાડી શકે છે. દરિયાના ખારા પાણીમાં ઉપયોગ કર્યા પછી પણ ઘડિયાળને ચોખ્ખા પાણીથી ધોવી જરૂરી છે, કારણ કે મીઠું ધીમે-ધીમે તેના પાર્ટ્સ પર અસર કરી શકે છે.

જો Apple Watch પલળી જાય તો શું કરવું?

જો તમારી Apple Watch વરસાદમાં પલળી જાય કે પાણીમાં જતી રહે તો ગભરાવાની જરૂર નથી. સૌથી પહેલા તેને એક નરમ અને સુકા કપડાથી સારી રીતે સાફ કરો. જો ઘડિયાળના સ્પીકરમાં પાણી જતું રહ્યું હોય તો Water Lock ફીચરની મદદથી સ્પીકરમાંથી પાણી બહાર કાઢી શકાય છે. ત્યારબાદ ઘડિયાળને સામાન્ય રીતે સુકાવા દો. હેર ડ્રાયર, બ્લોઅર કે અન્ય કોઈ ગરમ કરવા વાળા સાધનનો ઉપયોગ બિલકુલ ન કરવો.

કયા મોડલ્સ પાણીમાં સુરક્ષિત છે?

Apple Watch Series 2 અને ત્યારબાદ આવતા લગભગ તમામ મોડલ્સ 50 meters સુધીની વોટર રેઝિસ્ટન્સ રેટિંગ સાથે આવે છે. એનો અર્થ એ છે કે તેને સ્વિમિંગ પૂલમાં કે હળવી વોટર એક્ટિવિટી દરમિયાન ઉપયોગ કરી શકાય છે.

જ્યારે Apple Watch Ultra અને Ultra 2 આનાથી પણ વધુ મજબૂત બનાવવામાં આવ્યા છે. તે ઊંડા પાણીમાં ડાઇવિંગ અને એડવેન્ચર એક્ટિવિટી માટે વધુ સારો વિકલ્પ માનવામાં આવે છે. જોકે પ્રોફેશનલ સ્કૂબા ડાઇવિંગ કે વધુ પ્રેશરવાળા પાણીમાં તેનો ઉપયોગ કરવાનું ટાળવું જોઈએ.

આ બાબતોનું ખાસ ધ્યાન રાખો

એપલ વોચ પહેરીને સોના (Sauna), સ્ટીમ રૂમ કે બહુ ગરમ પાણીમાં જવાથી બચવું જોઈએ. ખૂબ વધારે ટેમ્પરેચર અને વરાળ તેની વોટર રેઝિસ્ટન્સને ખરાબ કરી શકે છે. જો ઘડિયાળની સ્ક્રીનમાં ક્રેક આવી જાય કે બોડીને નુકસાન થાય તો તેને પાણીમાં વાપરવાનું ટાળો. આવી સ્થિતિમાં સર્વિસ સેન્ટર પર ચેક કરાવવું વધુ યોગ્ય રહેશે.

જો તમારો ઉપયોગ માત્ર રોજિંદા ફિટનેસ, વર્કઆઉટ, વરસાદ કે સ્વિમિંગ પૂલ સુધી સીમિત છે તો Apple Watch ના મોટાભાગના નવા મોડલ્સ તમારા માટે શ્રેષ્ઠ વિકલ્પ સાબિત થઈ શકે છે. પરંતુ જો તમને એડવેન્ચર સ્પોર્ટ્સ કે ઊંડા પાણીમાં ડાઇવિંગ પસંદ હોય તો Apple Watch Ultra સિરીઝ તમારા માટે વધુ યોગ્ય રહેશે.

આ પણ વાંચો

Google News: ખોટી ઉંમર બતાવશો તો નહીં ચાલે, Google લાવી રહ્યું છે આ નવી સિસ્ટમ

Google Apps: આ 5 ગૂગલ એપ્સ ચુપચાપ તમારી બેટરી ખતમ કરી રહી છે, જુઓ લિસ્ટ