Jioએ લોન્ચ કર્યો નવો પ્લાન, માત્ર 251 રૂપિયામાં મળશે દરરોજ 2GB ડેટા

રિલાયન્સ જિઓની ઓફરની રાહ જોઈ રહેલ ગ્રાહકો માટે ખુશખબર છે. જિઓએ 251 રૂપિયાનો નવો 4જી પ્લાન લોન્ચ કર્યો છે.

નવી દિલ્હીઃ રિલાયન્સ જિઓની ઓફરની રાહ જોઈ રહેલ ગ્રાહકો માટે ખુશખબર છે. જિઓએ 251 રૂપિયાનો નવો 4જી પ્લાન લોન્ચ કર્યો છે. જેમાં દરરોજ 2 જીબી હાઈ સ્પીડ ડેટા મળશે. આવો જાણીએ જિઓની આ ઓફર વિશે. જિઓની આ નવી ઓફરનું નામ જિઓ ક્રિકેટ સિઝન ડાટા પેક છે. આ પેકને ખાસ ટી20 ક્રિકેટ કે આઈપીએલ માટે લોન્ચ કરવામાં આવ્યું છે. જિઓના આ પ્લાનની કિંમત 251 રૂપિયા છે. આ પ્લાનમાં તમને દરરોજ 2 જીબી ડેટા મળશે. આ પ્લાનની વેલિડિટી 51 દિવસની રહેશે. આમ કુલ મળીને તમને આ પ્લાનમાં 102 જીબી ડેટા મળે છે. જિઓની વેબસાઇટ અને માય જિઓ એપ્લિકેશન દ્વારા આ પ્લાન રિચાર્જ કરી શકાય છે. આ પ્લાનમાં કંપની અન્ય સારી ઓફર પણ કરે છે. જેમ - નસીબદાર યૂઝર્સોને તેમની મનપસંદ ટીમ સાથે સેલ્ફી લેવાની તક મળશે. આ ઉપરાંત મનપસંદ ટીમની જર્સી, કૅપ અને બેટ પણ મળી શકે છે. તમે આ ઓફરમાં મેચ ટિકિટ પણ મેળવી શકો છો.