એપલ અને સેમસંગ વચ્ચે ફોલ્ડેબલ વોર: આ વર્ષે લોન્ચ થશે 'iPhone Fold' અને 'Galaxy Wide Fold'
એપલ આ વર્ષે આઈફોન ફોલ્ડ લોન્ચ કરશે. તેની સાથે સ્પર્ધા કરવા માટે સેમસંગ પણ Galaxy Wide Fold નામનો નવો ફોન લોન્ચ કરી શકે છે. હવે, તેની ડિઝાઇન વિશે નવી માહિતી સામે આવી છે.
Galaxy Wide Fold: આ વર્ષે એપલના પ્રથમ ફોલ્ડેબલ આઈફોનની રાહ પૂરી થશે. એપલ અત્યાર સુધી માર્કેટમાં ઉપલબ્ધ ફોલ્ડેબલ ફોન્સ કરતા અલગ 'ફોર્મ ફેક્ટર' વાળો આઈફોન લોન્ચ કરશે, જેની પહોળાઈ વધારે હશે. સેમસંગે પણ તેને ટક્કર આપવા માટે કમર કસી લીધી છે અને કંપની આ વર્ષે એક નવો Galaxy Wide Fold ફોન લોન્ચ કરશે. અનફોલ્ડ (ખોલ્યા) પછી આ ફોનની પહોળાઈ તેની લંબાઈ કરતા વધારે હશે, અને તેથી જ તેને 'Wide' નામ આપવામાં આવ્યું છે. હવે તેની ડિઝાઇનને લઈને નવી માહિતી સામે આવી છે.
કેવો દેખાશે સેમસંગનો Wide Fold?
રિપોર્ટ્સ અનુસાર, Galaxy Wide Fold ની કવર સ્ક્રીનના ટોપ સેન્ટરમાં પંચ-હોલ કેમેરો આપવામાં આવશે અને તે 'બોક્સી પ્રોફાઇલ' સાથે આવશે. એટલે કે, સામાન્ય ફોનની જેમ તેમાં રાઉન્ડ એજ (ગોળાકાર કિનારીઓ) નહીં હોય. કવરની સાથે તેની મેઈન સ્ક્રીન પર પણ ટોપ સેન્ટરમાં પંચ-હોલ કેમેરો હશે.
- ટેબ્લેટ જેવો અનુભવ: અનફોલ્ડ થયા પછી તે લંબાઈ કરતા પહોળાઈમાં વધુ દેખાશે, જેનાથી યુઝરને ટેબ્લેટ જેવો અનુભવ મળશે.
- ડિસ્પ્લે: તેમાં 7.6 ઈંચની ફોલ્ડેબલ OLED ડિસ્પ્લે મળવાની આશા છે, જે મલ્ટિટાસ્કિંગ અને સ્ટ્રીમિંગ માટે પૂરતી જગ્યા આપશે.
- સ્ટ્રીમિંગનો ફાયદો: વીડિયો જોતી વખતે યુઝરને ઉપર અને નીચે જોવા મળતી કાળી પટ્ટીઓ (Black Bars) થી છુટકારો મળશે.
ક્યારે લોન્ચ થઈ શકે?
સેમસંગ તરફથી હજુ સુધી કોઈ સત્તાવાર માહિતી મળી નથી, પરંતુ લીક્સ મુજબ, Galaxy Z Unpacked ઇવેન્ટમાં Galaxy Z Fold 8 અને Galaxy Z Flip 8 ની સાથે Wide Fold પણ લોન્ચ થઈ શકે છે.
એપલ 'iPhone Fold' સાથે કરશે ધડાકો
સપ્ટેમ્બરમાં એપલ પોતાનો પહેલો ફોલ્ડેબલ આઈફોન લોન્ચ કરીને ધમાકો કરવા તૈયાર છે. iPhone Fold ના નામે આવનારા આ ડિવાઈસમાં 7.8 ઈંચની ઇનર અને 5.5 ઈંચની આઉટર ડિસ્પ્લે આપવામાં આવી શકે છે.
કેમેરા: આ આઈફોનના રિયરમાં ડ્યુઅલ કેમેરા સેટઅપ અને કવર તેમજ મેઈન ડિસ્પ્લે પર એક-એક કેમેરો હોઈ શકે છે.
કિંમત: ભારતમાં iPhone Fold ની શરૂઆતી કિંમત અંદાજે ₹2.25 લાખની આસપાસ હોઈ શકે છે. જો કે, હજુ સુધી આ અંગે કોઈ સત્તાવાર જાહેરાત કરવામાં આવી નથી. લોન્ચ થયા બાદ તેની સાચી કિંમત જાણી શકાશે.
ટોપ સ્ટોરી
ટ્રેન્ડિંગ સમાચાર
