ડ્યુઅલ પૉપ-ઓપ સેલ્ફી કેમેરા અને શાનદાર ફિચર્સ સાથે Vivo V17 Pro ભારતમાં લોન્ચ, જાણો શું છે કિંમત

આ ફોન ડ્યુઅલ પૉપ-અપ સેલ્ફી કેમેરા ધરાવતો દુનિયાનો પ્રથમ ફોન છે. આ સિવાય આ ફોનમાં 8GB સુધી રેમ અને સ્નેપડ્રેગન 675 પ્રોસેસર પણ આપવામાં આવ્યું છે.

નવી દિલ્હી: Vivoએ પોતાનો પ્રથમ ડ્યૂલ પૉપ-અપ સેલ્ફી કેમેરા સ્માર્ટફોન V17 Pro લોન્ચ કરી દીધો છે. આ ફોનની ખાસ વાત એ છે કે તેમાં સેલ્ફી માટે બે કેમેરા આપવામાં આવ્યા છે અને રિયરમાં ક્વોડ કેમેરા સેટએપ આપવામાં આવ્યું છે. આ ફોન ડ્યુઅલ પૉપ-અપ સેલ્ફી કેમેરા ધરાવતો દુનિયાનો પ્રથમ ફોન છે. આ સિવાય આ ફોનમાં 8GB સુધી રેમ અને સ્નેપડ્રેગન 675 પ્રોસેસર પણ આપવામાં આવ્યું છે. V17 Proના સ્પેસિફિકેશનની વાત કરીએ આ ફોનમાં 6.44- ઈંચ FHD+ (1080x2440 પિક્સલ) Super AMOLED ડિસ્પ્લે આપવામાં આવી છે. આ સ્માર્ટફોનમાં એન્ડ્રોઈડ 9 પાઈ બેઝડ ફનટચ 9.1 ઓએસ આપવામાં આવી છે. આ સ્માર્ટફોનમાં 8GB સુધી રેમ અને 128GBGB સુધી સ્ટોરેજ આપવામાં આવી છે. સ્માર્ટફોનમાં ફ્રન્ટ અને રિઅર એમ કુલ 6 કેમેરા છે. સેલ્ફી માટે 32 મેગાપિક્સલ અને 8 મેગાપિક્સલના કેમેરા છે. આ સિવાય ફોનમાં ઇન ડિસ્પ્લે ફિંગરપ્રિન્ટ સેન્સર છે. કનેક્ટિવિટી માટે USB ટાઈપ-સી પોર્ટ સપોર્ટ આપવામાં આવ્યું છે. બેટરી 4,100mAh આ ફોનની કિંમત 29,990 રૂપિયા છે. જેનું પ્રિ-બુકીંગ 20 સપ્ટેમ્બરથી શરૂ થઈ ગયું છે. ફોનનો પ્રથમ સેલ 27 સપ્ટેમ્બરે થશે.