હવે એક જ WhatApp એકથી વધુ ફોન પર ચલાવી શકાશે, જાણો વિગતે

નવી ફિચરથી યૂઝર્સ એકજ સમયમાં અલગ અલગ ફોન પર WhatAppનો ઉપયોગ કરી શકશે

નવી દિલ્હીઃ ચર્ચિત મેસેજિંગ એપ વૉટ્સએપ સમયાંતરે પોતાના યૂઝર્સ માટે નવા નવા ફિચર્સ લાવતુ રહે છે. એક રિપોર્ટ પ્રમાણે ફેસબુકની સબ-બ્રાન્ડ વૉટ્સએપ એક એવા ફિચર પર કામ કરી રહ્યું છે, જેના માધ્યમથી યૂઝર્સ એકથી વધુ ફોન પર એકજ વૉટ્સએપ એકાઉન્ટનો ઉપયોગ કરી શકશે. વેબ ઇટીએ ઇન્ફોના તાજેતરના રિપોર્ટ અનુસાર, જેમ કે પહેલા જાહેરાત કરવામાં આવી હતી, વૉટ્સએપ એક એવી ફેસિલિટી ડેવલપ કરી રહ્યું છે, જે લોકોને એક જ સમયે જુદાજુદી ડિવાઇસ પર તેનું વૉટ્સએપ એકાઉન્ટનો ઉપયોગ કરવાની અનુમતિ આપે. રિપોર્ટમાં કહેવાયુ છે કે આ માટે વૉટ્સએપ એક નવી રીત ડેવલપ કરી રહ્યું છે. નવી ફિચરથી યૂઝર્સ એકજ સમયમાં અલગ અલગ ફોન પર WhatAppનો ઉપયોગ કરી શકશે. હાલમાં વૉટ્સએપ યૂઝર્સ રજિસ્ટડર્ડ ડિવાઇસ પર માત્ર એક જ એકાઉન્ટનો ઉપયોગ કરી શકે છે. જો કોઇ અન્ય ડિવાઇસ પર લૉગ ઇન કરવાની કોશિશ કરવામાં આવે છે તો જુના ડિવાઇસ પરથી એકાઉન્ટ લૉગઆઉટ કરવુ પડતુ હોય છે. આ ઉપરાંત વૉટ્સએપ આઇઓએસ યૂઝર્સ માટે એક નવા બીટા અપડેટનો ટેસ્ટ કરી રહ્યું છે, જે હાઇડ મ્યૂટ સ્ટેટસ અપડેટ, સ્પ્લેશ સ્ક્રિન અને એપ બેઝ સુધારા જેવી ફેસિલિટી પ્રૉવાઇડ કરશે.