જેમિની આસિસ્ટન્ટ બની કરી આપશે આ કામ પણ, જાણો નવા ફિચરની ફેસેલિટી
ગુગલનું AI આસિસ્ટન્ટ હવે વધુ શક્તિશાળી બનવા જઈ રહ્યું છે. તે હવે તમારા આદેશ પર રાઈડ બુક કરાવવાથી લઈને તમારા મનપસંદ ખોરાકનો ઓર્ડર આપવા સુધી બધું જ કરી શકશે. જો કે, આમાં કેટલાક જોખમો પણ છે જેને ધ્યાનમાં રાખવાની જરૂર છે.
જેમિની એઆઈ વધુ પાવરફુલ બનવા જઈ રહ્યું છે. તે યુઝરના આદેશ પર રોજિંદા કાર્યો સરળતાથી પૂર્ણ કરી શકે છે. આનો અર્થ એ છે કે તે હવે ચેટિંગ, ઇમેજ જનરેશન અને સમસ્યાનું નિરાકરણ, રાઇડ બુક કરવા અને ઓર્ડર આપવા સુધી બધું જ કરી શકશે, બધું જ તમારા આદેશ પર. આ ફેસિલિટી માટે , ગૂગલ સ્ક્રીન ઓટોમેશન નામની એક નવા ફીચર પર કામ કરી રહ્યું છે. આ ફીચર યુઝરના બિહાફ પર એપ્સની સાથે ઇંટરેક્ટ કરી શકશે.
આ સુવિધાના સંદર્ભો ગૂગલ એપના 17.4 બીટા વર્ઝનમાં જોવા મળ્યા છે. આંતરિક રીતે, તેનું કોડનેમ "બોનોબો" છે. તે યુઝર વતી સ્ક્રીન પર સપોર્ટેડ એપ્સ સાથે ઇન્ટરેક્ટ કરશે. યુઝરે ફક્ત જેમિનીને આદેશ આપવાની જરૂર છે. ત્યારબાદ જેમિની આપમેળે એપ ખોલશે અને તમારી રિકવેસ્ટના આધારે રાઇડ બુક કરશે. તે તમારા મનપસંદ ખોરાકનો પણ ઓર્ડર પણ કરી આપશે. આનાથી એપ્સ ખોલવાની અને મેનુઓમાંથી સ્ક્રોલ કરવાની ઝંઝટ દૂર થાય છે. જો કે, આમાં થોડું જોખમ રહેલું છે, અને ગૂગલે ચેતવણી આપી છે કે તે ભૂલો કરી શકે છે. યુઝર્સને આના પર સંપૂર્ણ નિયંત્રણ આપવામાં આવશે. જો તેમને લાગે કે જેમિની ભૂલ કરી રહી છે, તો તેઓ તેને તાત્કાલિક રોકી શકે છે અને સંપૂર્ણ નિયંત્રણ પાછું મેળવી શકે છે.
પ્રાઇવેસીની ચિંતાઓ
અહેવાલ મુજબ, આ સુવિધા સાથે કેટલીક પ્રાઇવેસીની ચિંતાઓ છે. જ્યારે જેમિની એપ્સ સાથે ક્રિયાપ્રતિક્રિયા કરે છે, ત્યારે ગૂગલ સેવાઓને સુધારવા માટે સ્ક્રીનશોટ માનવ સમીક્ષકને મોકલવામાં આવી શકે છે. જો કે, આ ફક્ત ત્યારે જ શક્ય છે જો યુઝર્સ "કીપ એક્ટિવિટી" વિકલ્પને સક્ષમ રાખે. ગૂગલે યુઝર્સને જેમિની ચેટમાં લોગિન વિગતો અથવા ચુકવણી માહિતી દાખલ ન કરવાની પણ સલાહ આપી છે. યુઝર્સ સંવેદનશીલ અને કટોકટીની માહિતી માટે સ્ક્રીન ઓટોમેશનનો ઉપયોગ ન કરવાની પણ સલાહ આપવામાં આવે છે.
ટોપ સ્ટોરી
ટ્રેન્ડિંગ સમાચાર
