Aarogya Setu App કોણે બનાવી ? સૂચના આયોગની નોટિસ બાદ સરકારે આપ્યો આ જવાબ

કોરોના વાયરસ વચ્ચે કોન્ટેક્ટ ટ્રેસિંગ માટે ઉપયોગ કેન્દ્ર સરકાર તરફથી આરોગ્ય સેતુ એપ ડાઉનલોડ કરવા ભાર મૂકવામાં આવ્યો હતો.

નવી દિલ્હી: કોવિડ-19ના સંક્રમણને અટકાવવા માટે બનાવામાં આવેલી Aarogya Setu App ને લઈને ફરી વિવાદ શરુ થઈ ગયો છે. ત્યારે હવે તાજેતરના વિવાદ પર કેન્દ્ર સરકારે સ્પષ્ટા કરી છે. સરકારના નિવેદનમાં કહેવામાં આવ્યું કે, ‘આરોગ્ય સેતુ એપને રેકોર્ડ સમયમાં તૈયાર કરવામાં આવી હતી. જેથી કોન્ટેક્ટ ટ્રેસિંગનું કામ કરી શકાય. આ એપને ઈન્ડસ્ટ્રીના બેસ્ટ માઈન્ડ, એકેડમિયા અને સરકારે સાથે મળીને બનાવી છે’ કોરોના વાયરસ વચ્ચે કોન્ટેક્ટ ટ્રેસિંગ માટે ઉપયોગ કેન્દ્ર સરકાર તરફથી આરોગ્ય સેતુ એપ ડાઉનલોડ કરવા ભાર મૂકવામાં આવ્યો હતો. વાસ્તવમાં આરોગ્ય સેતુ એપ કોણે બનાવી તે અંગે ઈલેક્ટ્રોનિક્સ અને માહિતી ટેકનોલોજી મંત્રાલય તથા રાષ્ટ્રી માહિતી વિજ્ઞાન કેન્દ્ર (એનઆઈસી)એ સૂચના આયોગને કોઈ જાણકારી આપી નથી.

Clarification issued on Aarogya Setu App. Aarogya Setu App is a product of Government of India built in collaboration with the best of the minds of Industry & Academia. Worlds largest contact tracing App, appreciated by WHO also. #SetuMeraBodyguard #IndiaFightsCorona pic.twitter.com/mbhQ4pTuZw

— Aarogya Setu (@SetuAarogya) October 28, 2020

કેન્દ્રીય સૂચના આયોગે મંગળવારે નેશનલ ઈન્ફોર્મેટિક સેંટર પાસે જવાબ માંગ્યો હતો કે આરોગ્ય સેતુ વેબસાઇટ પર તમારું નામ છે તો એપના ડેવલપમેંટને લઈ કોઈ ડિટેલ કેમ નથી. આયોગે આ અંગે ચીફ પબ્લિક ઇન્ફોર્મેશન અધિકારીઓ સહિત નેશનલ ઈ-ગવર્નંસ ડિવીઝન, ઈલેક્ટ્રોનિક્સ અને સૂચના ટેકનોલોજી મંત્રાલય તથા NICને કારણ બતાઓ નોટિસ મોકલી છે. આ નોટિસમાં કરોડો લોકો દ્વારા ઉપયોગ કરવામાં આવી રહેલી કોન્ટેક્ટ ટ્રેસિંગ એપને લઈ કરવામાં આવેલી આરટીઆઈનો સ્પષ્ટ જવાબ કેમ નથી આપવામાં આવ્યો તેનો ખુલાસો માંગવામાં આવ્યો હતો. આરોગ્ય સેતુ એપની વેબસાઇટ કહે છે કે તેને નેશનલ ઇન્ફોર્મેટિક્સ સેંટર અને આઇટી મંત્રાલયે ડેવલપ કરી છે. પરંતુ આ એપને લઇ કરવામાં આવેલી આરટીઆઈમાં બંનેએ કહ્યું કે, એપ કોણે ડેવલપ કરી તે અંગે કોઇ જાણકારી નથી.