આવી રહ્યું છે Infinixનું પહેલું Laptop, ડિસેમ્બરમાં આ ખૂબી સાથે લોન્ચ થશે, જાણો શું છે તેની ખૂબીઓ

Realme, Redmi અને Nokia પછી, Infinix હવે તેના પ્રથમ Infinix INBook X1 લેપટોપ સાથે લેપટોપ સેગમેન્ટમાં ઝંપલાવ્યું છે.

લેપટોપ

Realme, Redmi અને Nokia પછી, Infinix હવે તેના પ્રથમ Infinix INBook X1 લેપટોપ સાથે લેપટોપ સેગમેન્ટમાં ઝંપલાવ્યું છે. આ સિવાય કંપનીની લેટેસ્ટ Infinix Note 11 સીરીઝ પણ ડિસેમ્બરમાં આવી રહી છે, લોન્ચ પહેલા લેપટોપ અને લેટેસ્ટ સીરીઝના કેટલાક ખાસ ફીચર્સ કન્ફર્મ કરવામાં આવ્યા છે.  

હેન્ડસેટ નિર્માતા કંપની Infinix ડિસેમ્બરમાં ભારતીય બજારમાં તેનું Infinix INBook X1 લેપટોપ અને Infinix Note 11 સીરીઝ લોન્ચ કરવા જઇ રહી છે. સ્માર્ટફોન સેગમેન્ટ પછી, હવે Infinix પણ તેના લેપટોપ સાથે આ સેગમેન્ટમાં ઝંપલાવી રહી છે. જ્યારે આ વર્ષે જૂનમાં લોન્ચ થયેલ Infinix Note 10 અને Infinix Note 10 Pro કંપનીની લેટેસ્ટ Infinix Note 11 સિરીઝનું અપગ્રેડેડ વર્ઝન હશે.

આ Infinix લેપટોપ અને Infinix મોબાઈલ ફોનના કેટલાક મુખ્ય ફીચર્સ લોન્ચ પહેલા જ કન્ફર્મ થઈ ચૂક્યા છે, પરંતુ હાલમાં લોન્ચની ચોક્કસ તારીખ અંગે કોઈ સત્તાવાર માહિતી આપવામાં આવી નથી.

Redmi, Xiaomi ઉપરાંત, Realme અને Nokia બ્રાન્ડ્સ પછી, Infinix પણ હવે ભારતમાં ગ્રાહકો માટે નવીનતમ લેપટોપ લોન્ચ કરવાની તૈયારી કરી રહી છે. કંપની InBook X1 લેપટોપ સાથે તેના પ્રોડક્ટ પોર્ટફોલિયોને વિસ્તારવા જઈ રહી છે, ઉલ્લેખનિય છે કે, વર્ષે ડિસેમ્બરમાં તેણે તેનું પહેલું Infinix Smart Tv લૉન્ચ કર્યું હતું.

કંપનીનું આ પ્રથમ લેપટોપ મોડલ ઓલ-મેટલ બોડી, અને ત્રણ રંગોસ સ્ટારફુલ ગ્રે, નોબેલ રેડ અને અરોરા ગ્રીનમાં લોન્ચ કરવામાં આવશે. એવું કહેવામાં આવી રહ્યું છે કે આ Infinix લેપટોપમાં ફર્સ્ટ ઇન સેગમેન્ટ ટેક્નોલોજી ફીચર્સમાં આપવામાં આવશે જે અન્ય કોઈ બ્રાન્ડ ઓફર નથી કરતું.

લેપટોપ ત્રણ પ્રોસેસર Intel i3, Intel i5 અને Intel i7 ચિપસેટ સાથે USB Type-C ફાસ્ટ ચાર્જિંગ સપોર્ટ ઓફર કરશે, હજુ આ લેપટોપ સંબંધિત અન્ય ફીચર્સ પરથી પડદો ઉઠાવવાનો બાકી છે.

લેપટોપ ઉપરાંત, કંપનીની નવી પાવરફુલ ગેમિંગ નોટ 11 સિરીઝ પણ ડિસેમ્બરમાં લાવી  રહી છે, જેની કિંમત ભારતીય બજારમાં 10,000 રૂપિયાથી 15,000 રૂપિયાની વચ્ચે હશે. નવી Note 11 સિરીઝ નવીનતમ MediaTek Helio G96 પ્રોસેસર સાથે શક્તિશાળી ગેમિંગ અનુભવ પ્રદાન કરશે અને સૌથી મહત્ત્વની વાત એ છે કે, આ સેગમેન્ટમાં પ્રથમ વખત ફોનમાં ફુલ HD પ્લસ સાથે AMOLED ડિસ્પ્લે જોવા મળશે.