Infinix Zero Flip: આ દિવસે લૉન્ચ થશે સૌથી સસ્તો ફૉલ્ડેબલ ફોન, સાથે હશે AI ફિચર્સ પણ...
Cheapest Flip Phone: સ્માર્ટફોન ટેક્નોલોજી દિવસેને દિવસે વધુ લેટેસ્ટ બની રહી છે
Cheapest Flip Phone: સ્માર્ટફોન ટેક્નોલોજી દિવસેને દિવસે વધુ લેટેસ્ટ બની રહી છે. જો કે સેમસંગે લગભગ 5-6 વર્ષ પહેલા વિશ્વમાં ફૉલ્ડેબલ અને ફ્લિપ ફોન લૉન્ચ કર્યા હતા, તેમ છતાં આ ટેક્નોલોજી લાખો યૂઝર્સ માટે ખૂબ જ ખાસ છે.
Infinix Zero Flip ની લૉન્ચ ડેટ આવી સામે
એવા ઘણા લોકો છે જેમના માટે ફૉલ્ડ કરી શકાય તેવા ફોન હજુ પણ એક મોટી વાત છે, કારણ કે તેઓએ તેના વિશે સાંભળ્યું છે પણ ક્યારેય જોયું નથી કે તેનો ઉપયોગ કર્યો નથી. હવે કદાચ આવા યૂઝર્સ ફૉલ્ડેબલ અથવા ફ્લિપ ફોનનો પણ ઉપયોગ કરી શકશે. કારણ કે તાઈવાનની સ્માર્ટફોન કંપની Infinixએ પોતાના નવા ફ્લિપ ફોનની જાહેરાત કરી છે અને તેની લૉન્ચિંગ તારીખ પણ જાહેર કરી છે. એવું માનવામાં આવે છે કે Infinixનો આ ફ્લિપ ફોન અત્યાર સુધીનો સૌથી સસ્તો ફ્લિપ ફોન બની શકે છે.
Infinixના આ ફ્લિપ ફૉનનું નામ Infinix Zero Flip હશે, જે ભારતમાં 17 ઓક્ટોબર 2024ના રોજ બપોરે 12 વાગ્યે લૉન્ચ થશે. કંપની આ ફોન એક્સક્લુઝિવલી ફ્લિપકાર્ટ પર વેચશે. આ કારણોસર ફ્લિપકાર્ટ પર આ ફોનનો એક માઇક્રો બ્લૉગ પણ લૉન્ચ કરવામાં આવ્યો છે, જેના દ્વારા Infinix Zero Flipની કેટલીક વિશેષતાઓ પણ સામે આવી રહી છે.
કેવા હશે સ્પેશિફિકેશન્સ
કંપનીનો આ ફ્લિપ ફોન Infinix AI ફિચર્સ સાથે આવશે, જે કંપનીએ આ ફોનના ટીઝર સાથે જાહેર કર્યો છે. આ સિવાય આ ફોનમાં GoPro મોડ હશે. Infinix એ તેના તાજેતરમાં લૉન્ચ કરેલા ફોન Infinix Zero 40 5G માં પણ આ સુવિધા રજૂ કરી હતી.
Infinix Zero Flip વૈશ્વિક બજારમાં લૉન્ચ કરવામાં આવી છે. આ ફોનના વૈશ્વિક વેરિઅન્ટમાં 6.9-ઇંચની પોલેડ ફૂલ HD+ મુખ્ય ડિસ્પ્લે છે, જેનો રિફ્રેશ દર 120Hz છે. તે જ સમયે, આ ફોનનું કવર ડિસ્પ્લે 3.64 ઇંચ છે. ફોનમાં મીડિયાટેક ડાયમેન્સિટી 8020 ચિપસેટ, Android 14 પર આધારિત HiOS, 50MP + 50MP કેમેરા, 32MP સેલ્ફી કેમેરા, 4720mAh બેટરી અને 70W અલ્ટ્રા ફાસ્ટ વાયર્ડ ચાર્જિંગ સપોર્ટ છે.
આ પણ વાંચો
ટોપ સ્ટોરી
ટ્રેન્ડિંગ સમાચાર
