AutoPayથી આપના અકાઉન્ટમાંથી ડેબિટ થઇ રહ્યાં છે પૈસા, આ રીતે પેમેન્ટ કરો સ્ટોપ, જાણો સ્ટેપ્સ

જો તમારી જાણ વગર તમારા ખાતામાંથી પૈસા કપાઈ રહ્યા હોય, તો શક્ય છે કે તમે કોઈ સેવા માટે UPI ઓટોપે સેટ કર્યું હોય.

પ્રતીકાત્મક તસવીર

Source : x tweeter

AutoPay:શું તમારી સાથે ક્યારેય એવું બન્યું છે કે, તમારા બેંક ખાતામાં બેલેન્સ ઓછું હોય અને તપાસ કરતાં ખબર પડી કે કોઈ જૂની સબ્સ્ક્રિપ્શન અથવા સેવા હજુ પણ પૈસા કાપી રહી છે? જો હા, તો શક્ય છે કે, તમે કોઈ સમયે UPI ઓટોપે સક્રિય એક્ટિલ કર્યું હોય અને તમે ભૂલી ગયા હોવ.

આજકાલ લોકો મોબાઇલ રિચાર્જ, વીજળી બિલ, OTT પ્લેટફોર્મ (જેમ કે નેટફ્લિક્સ, એમેઝોન પ્રાઇમ) અથવા વીમા પ્રીમિયમ જેવી સેવાઓ માટે ઓટોપેનો ઉપયોગ કરે છે. આ વારંવાર ચુકવણી કરવાની ઝંઝટ દૂર કરે છે. પરંતુ સમસ્યા ત્યારે ઊભી થાય છે જ્યારે તમે તે સેવાનો ઉપયોગ બંધ કરો છો અને છતાં પણ દર મહિને પૈસા કાપવામાં આવે છે.

તો ચાલો જાણીએ કે, તમે કેવી રીતે થોડીક સેકન્ડમાં UPI ઓટોપે બંધ કરી શકો છો અને બિનજરૂરી ખર્ચ ટાળી શકો છો.

UPI ઓટોપે શું છે?

તે એક ડિજિટલ સુવિધા છે. જે તમને UPI દ્વારા કોઈપણ સેવા માટે 'ઈ-મેન્ડેટ' સેટ કરવાની મંજૂરી આપે છે. એકવાર તમે કોઈ સેવા માટે ઓટોપે ચાલુ કરો છો, તો ચુકવણી આપમેળે તમારા ખાતામાંથી નિયત તારીખે કાપવામાં આવશે - કોઈપણ રીમાઇન્ડર અથવા મેન્યુઅલ પ્રક્રિયા વિના.

ઓટોપે મેન્ડેટ કેવી રીતે બંધ કરવું?

જો તમે હવે તે સેવાનો ઉપયોગ કરતા નથી અને પૈસા કાપવા માંગતા નથી, તો નીચે આપેલા સરળ પગલાં અનુસરો:

1. તમારી UPI એપ્લિકેશન ખોલો - જેમ કે ફોનપે, ગુગલ પે, પેટીએમ વગેરે.
2. સેટિંગ્સ અથવા પ્રોફાઇલ વિભાગ પર જાઓ.
3. 'ઓટોપે' અથવા 'મેન્ડેટ' વિકલ્પ પર ટેપ કરો.
4. બધી સક્રિય સેવાઓની સૂચિ દેખાશે.
5. તમે જે સેવા બંધ કરવા માંગો છો તે પસંદ કરો.
6. ‘Cancel’ અથવા Revoke’ પર ક્લિક કરો

આ સ્ટેપ ફોલો કર્યાં બાદ ઓટોમેટિક પેમન્ટ બંઘ થઇ જશે અને ખાતામાંથી પૈસા કપાતા બંધ થઇ જશે.

જો ભૂલથી પૈસા કપાઈ જાય તો શું કરવું?

જો તમારી જાણ વગર કોઈ ચુકવણી કાપવામાં આવે અને તમે તે સેવાનો ઉપયોગ ન કર્યો હોય, તો પહેલા તે કંપનીના ગ્રાહક સપોર્ટનો સંપર્ક કરો. કેટલીક કંપનીઓ ચુકવણીના 24 થી 72 કલાકની અંદર રિફંડનો વિકલ્પ આપે છે.

જો તમને કંપની તરફથી મદદ ન મળે, તો તમે તમારી બેંકનો પણ સંપર્ક કરી શકો છો અને આવા વ્યવહારોને સ્ટોપ કરવાની રિકવેસ્ટ કરી શકો  છો.