QR સ્કેન કર્યા વગર હવે થશે પેમેન્ટ! જાણો કેવી રીતે કામ કરશે UPIનું નવું 'Tap & Pay' ફીચર?
RBI અને NPCIએ UPIના નવા ફીચર 'Tap & Pay'ને લોન્ચ કર્યું છે. આ સાથે Google Pay અને PhonePe ખોલવાની ઝંઝટ પણ દૂર થઈ જશે. હવે ફોનને માત્ર મર્ચન્ટ મશીન પર ટૅપ કરતાં જ પેમેન્ટ થઈ જશે.
ડિજિટલાઇઝેશનના આ યુગમાં UPI દ્વારા પેમેન્ટ કરવું ખૂબ જ સરળ બની ગયું છે. જોકે, ક્યારેક ઇન્ટરનેટ ધીમું હોવાને કારણે Google Pay અને PhonePe જેવી એપ્સ ખોલવામાં મુશ્કેલી પડે છે. પરંતુ હવે UPIના નવા 'Tap & Pay' ફીચરથી આ સમસ્યા પણ દૂર થઈ જશે.
ભારતીય રિઝર્વ બેંક (RBI)ના ગવર્નર અને નેશનલ પેમેન્ટ્સ કોર્પોરેશન ઓફ ઈન્ડિયા (NPCI)એ મુંબઈમાં આયોજિત ગ્લોબલ ફિનટેક ફેસ્ટ (GFF 2026) દરમિયાન 'UPI Tap & Pay' અને 'MyUPI' લોન્ચ કર્યા છે. તેનો હેતુ યુનિફાઇડ પેમેન્ટ્સ ઇન્ટરફેસ (UPI)ને વધુ સશક્ત અને મજબૂત બનાવવાનો છે.
કેવી રીતે કામ કરશે UPI Tap & Pay?
આ એક એવું ફીચર છે, જેમાં QR કોડ સ્કેન કર્યા વગર અથવા UPI એપ ખોલ્યા વગર પણ પેમેન્ટ કરી શકાશે. આ વાઇ-ફાઇવાળા ડેબિટ અથવા ક્રેડિટ કાર્ડની જેમ કામ કરશે, જેને સ્વાઇપ મશીન પર ટૅપ કરીને પેમેન્ટ કરવામાં આવે છે.
આમાં તમારે માત્ર NFC-ઇનેબલ્ડ સ્માર્ટફોનને અનલોક કરીને દુકાનદારની પોઇન્ટ-ઓફ-સેલ (PoS) મશીન અથવા સ્માર્ટ ટૅગની નજીક લઈ જવાનો રહેશે.
ત્યારબાદ મર્ચન્ટ મશીનના ઇન્ટરનેટ કનેક્શનનો ઉપયોગ કરીને ટ્રાન્ઝેક્શન પૂર્ણ થઈ જશે. એટલે કે હવે Google Pay, PhonePe અથવા Paytm જેવી એપ ખોલવાની જરૂર નહીં પડે.
The Reserve Bank of India (RBI) Governor, Shri Sanjay Malhotra, today unveiled new UPI capabilities at GFF 2026, bringing greater speed, convenience and intelligence to digital payments.
— NPCI (@NPCI_NPCI) September 10, 2026
UPI ‘Tap & Pay’ - Enables faster UPI payments by simply unlocking an NFC-enabled… pic.twitter.com/JVlRU28AIu
આ ફીચરની બીજી ખાસ વાત એ છે કે ઓછા અથવા મોબાઇલ નેટવર્ક વગરના વિસ્તારોમાં પણ તેનો ઉપયોગ કરી શકાશે. ઉદાહરણ તરીકે, બેઝમેન્ટ, પહાડી વિસ્તારો અથવા મેટ્રો સ્ટેશન જેવી જગ્યાઓએ પણ આ સુવિધા ઉપયોગી બની શકે છે.
આ પણ વાંચો: Redmi 17 5G નો સેલ શરુ, સસ્તો મળી રહ્યો છે 7900mAh બેટરીવાળો ફોન, જાણો ઓફર
PIN વગર ₹5,000 સુધીનું પેમેન્ટ
NPCIએ નાના પેમેન્ટ માટે UPI PIN દાખલ કર્યા વગર ₹5,000 સુધીના ટ્રાન્ઝેક્શનની મંજૂરી આપી છે. જોકે, આ રકમથી વધુના પેમેન્ટ માટે UPI PIN દાખલ કરવો પડશે.
કુલ મળીને, આ નવા ફીચરથી UPIનો ઉપયોગ પહેલાં કરતાં વધુ સરળ બની જશે. ખાસ કરીને એવા યુઝર્સ માટે આ સુવિધા ફાયદાકારક રહેશે, જેમના ફોનમાં વારંવાર ઇન્ટરનેટ કનેક્શન ધીમું રહે છે.
MyUPI શું છે અને કેવી રીતે કામ કરશે?
MyUPI એક AI આધારિત કસ્ટમર સપોર્ટ અને કંટ્રોલ પ્લેટફોર્મ છે. તે NPCIના સ્મોલ લેંગ્વેજ મોડલ 'FiMI' પર આધારિત છે. તેનો હેતુ અલગ-અલગ બેંક અને UPI એપ્સ દ્વારા કરવામાં આવેલા UPI ટ્રાન્ઝેક્શન અને ઓટો-પેની માહિતી એક જ જગ્યાએ ઉપલબ્ધ કરાવવાનો છે.
એટલે કે તમારી પાસે ગમે તેટલા બેંક અકાઉન્ટ હોય અથવા તમે ગમે તેટલી UPI એપ્સનો ઉપયોગ કરતા હો, MyUPI તમારા તમામ ટ્રાન્ઝેક્શન અને ઓટો-પે મેન્ડેટની સંપૂર્ણ માહિતી એક જ જગ્યાએ બતાવશે.
આ ફીચરને 'સેફ્ટી સ્વિચ' સાથે લોન્ચ કરવામાં આવ્યું છે. જો તમને ક્યારેય લાગે કે તમારું અકાઉન્ટ હેક થયું છે અથવા તમારી સાથે કોઈ છેતરપિંડી થઈ છે, તો તમે એક જ ક્લિકથી 'સેફ્ટી સ્વિચ' એક્ટિવેટ કરીને તમારા અકાઉન્ટમાંથી થતા તમામ UPI ડેબિટને તરત જ બ્લોક કરી શકો છો.
ટોપ સ્ટોરી
ટ્રેન્ડિંગ સમાચાર
