2 વર્ષ સુધી ફ્રીમાં YouTube Premium, આ કંપનીએ માર્કેટમાં મચાવી ધમાલ, જુઓ પ્લાન્સ

YouTube Premium: કંપની JioFiber અને AirFiber પૉસ્ટપેડ પ્લાન સાથે 2 વર્ષ માટે YouTube પ્રીમિયમ સેવા સંપૂર્ણપણે મફત આપી રહી છે

(તસવીર- એબીપી લાઇવ)

Source : એબીપી લાઇવ

YouTube Premium: યુટ્યૂબ જોનારાઓ માટે એક મોટા અને ફાયદાકારક સમાચાર સામે આવ્યા છે. રિલાયન્સ જિઓ ફરી એકવાર શાનદાર ઓફર લઈને આવ્યું છે. કંપની JioFiber અને AirFiber પૉસ્ટપેડ પ્લાન સાથે 2 વર્ષ માટે YouTube પ્રીમિયમ સેવા સંપૂર્ણપણે મફત આપી રહી છે. આ સાથે એરફાઇબર અને જિઓફાઇબર યૂઝર્સ કોઈપણ જાહેરાતો કે અન્ય વિક્ષેપો વિના 2 વર્ષ સુધી YouTube ની પ્રીમિયમ સેવાનો આનંદ માણી શકશે. આ સેવામાં વીડિઓની શરૂઆતમાં આવતી 10-20 સેકન્ડની જાહેરાત પણ બતાવવામાં આવતી નથી. આ સેવાનો લાભ આપણે કેવી રીતે મેળવી શકીએ તે અહીં જાણો...

આ પ્લાનમાં ફ્રીમાં મળી રહી છે યુટ્યૂબ પ્રીમિયમની સર્વિસ - 
YouTube પ્રીમિયમ સર્વિસ ફક્ત JioFiber અને AirFiber ના પસંદગીના પ્લાન પર જ મફતમાં ઉપલબ્ધ છે. યૂઝર્સ ૮૮૮ રૂપિયા, ૧,૧૯૯ રૂપિયા, ૧,૪૯૯ રૂપિયા, ૨,૪૯૯ રૂપિયા અને ૩,૪૯૯ રૂપિયાના પ્લાન પર આ સેવા મફતમાં મેળવી શકે છે. જાહેરાત-મુક્ત વીડિઓઝની સાથે YouTube Premium બેકગ્રાઉન્ડ પ્લે અને અનલિમીટેડ ડાઉનલૉડ્સ જેવા લાભો પણ પ્રદાન કરે છે. તમને જણાવી દઈએ કે ભારતમાં YouTube Premium નું માસિક સબ્સ્ક્રિપ્શન વિદ્યાર્થીઓ માટે 89 રૂપિયા અને વ્યક્તિગત રીતે 149 રૂપિયા છે. ફેમિલી પ્લાન માટે દર મહિને 299 રૂપિયા ચૂકવવા પડશે.

BSNL પણ આપી રહ્યું છે બેનિફિટ્સ - 
સરકારી ટેલિકોમ કંપની BSNL તેના બ્રૉડબેન્ડ પ્લાનમાં ડેટાની સાથે અનલિમિટેડ કૉલિંગ અને ફ્રી OTT સબસ્ક્રિપ્શન પણ આપે છે. BSNL ના સુપરસ્ટાર પ્રીમિયમ પ્લસ પ્લાન હેઠળ, ગ્રાહકોને દર મહિને 150Mbps ની સ્પીડ સાથે 2,000GB ડેટા અને અનલિમિટેડ કૉલિંગ મળે છે. આ ઉપરાંત કંપની ડિઝની હૉટસ્ટાર, શેમારૂ, હંગામા, ZEE5 અને સોની લાઈવ જેવા OTT પ્લેટફોર્મનું મફત સબ્સ્ક્રિપ્શન પણ આપી રહી છે.

Airtel આપી રહ્યું છે આ શાનદાર પ્લાન - 
Jio અને BSNL ની જેમ Airtel પણ તેના ફાઇબર યૂઝર્સ માટે શાનદાર યોજનાઓ ઓફર કરે છે. કંપની 999 રૂપિયાના પ્લાનમાં 200 Mbps ની સ્પીડથી ઇન્ટરનેટ પૂરું પાડે છે. આ ઉપરાંત યૂઝર્સને પ્રાઇમ વીડીયો, ડિઝની હૉટસ્ટાર સહિત 20 થી વધુ OTT પ્લેટફોર્મનું મફત સબ્સ્ક્રિપ્શન આપવામાં આવે છે.

આ પણ વાંચો