Jio, Airtel અને Viથી દુરી તો BSNLથી નજીદીકીયાં, કાશ્મીરમાં મોટા પ્રમાણમાં પૉર્ટ થઇ રહ્યાં છે નંબર

BSNL Port: જ્યારથી ખાનગી ટેલિકોમ કંપનીઓએ તેમના રિચાર્જ પ્લાનના દરમાં વધારો કર્યો છે, લોકો સરકારી ટેલિકૉમ કંપની BSNL તરફ વળ્યા છે

એબીપી લાઇવ

BSNL Port: જ્યારથી ખાનગી ટેલિકોમ કંપનીઓએ તેમના રિચાર્જ પ્લાનના દરમાં વધારો કર્યો છે, લોકો સરકારી ટેલિકૉમ કંપની BSNL તરફ વળ્યા છે. સ્થિતિ એ છે કે Airtel, Jio અને Vi યૂઝર્સ વધુને વધુ તેમના નંબર BSNL પર પૉર્ટ કરી રહ્યા છે. એક રિપોર્ટ અનુસાર, દરરોજ 300 થી 400 ગ્રાહકો કાશ્મીરમાં પૉર્ટ કરી રહ્યા છે.

રાઇઝિંગ કાશ્મીરના રિપોર્ટ અનુસાર, BSNLના જનસંપર્ક અધિકારી મસૂદ બાલાનું કહેવું છે કે કંપનીના આકર્ષક પ્લાનને કારણે તેમને છેલ્લા બે અઠવાડિયામાં દરરોજ 300 થી 400 પૉર્ટ રિક્વેસ્ટ મળી છે. જનતા તરફથી હકારાત્મક પ્રતિસાદ મળી રહ્યો છે જે પ્રોત્સાહક છે.

'5G ટાવર લગાવવાની પણ બનાવી રહ્યાં છે યોજના' 
બીએસએનએલના અધિકારીએ વધુમાં જણાવ્યું હતું કે હાલમાં જમ્મુ અને કાશ્મીરમાં 4જી સર્વિસ અમલમાં છે. અહીં 500 થી વધુ 5G મોબાઈલ ટાવર લગાવવાની યોજના બનાવવામાં આવી રહી છે. BSNL કાશ્મીરમાં દરેક જગ્યાએ હાજરી ધરાવે છે. મસૂદે એમ પણ કહ્યું કે અમે ખાનગી ટેલિકૉમ કંપનીઓનો સામનો કરવા માટે કોઈ યોજના શરૂ કરી નથી, પરંતુ આ યોજનાઓ પહેલેથી જ ચાલી રહી છે.

Jio, Airtel અને Viએ મોંઘા કર્યા રિચાર્જ 
Jio, Airtel અને Viએ ગયા મહિને તેમના પ્લાનની કિંમત વધારવાની જાહેરાત કરી હતી, જે આ મહિને 3 અને 4 જુલાઈથી અમલમાં આવી હતી. જે બાદ હવે યૂઝર્સને પ્લાન રિચાર્જ કરવા માટે વધુ પૈસા ચૂકવવા પડશે. ટેલિકોમ કંપનીઓએ કહ્યું છે કે વધતી કિંમતો પાછળનું કારણ એવરેજ રેવન્યૂ પ્રતિ યૂઝર (ARPU)માં વધારો કરવાનું છે.

Jio એ સૌથી વધુ કિંમત વધારી છે. કંપનીએ એક જ વારમાં કિંમતોમાં 12 થી 25 ટકાનો સીધો વધારો કર્યો છે. જ્યારે એરટેલે કિંમતોમાં 11 થી 21 ટકા અને Viએ 10 થી 21 ટકાનો વધારો કર્યો છે. સોશિયલ મીડિયા પર લોકોનો સૌથી વધુ ગુસ્સો Jioને લઈને વ્યક્ત કરવામાં આવી રહ્યો છે. આ કારણોસર લોકો હવે BSNL તરફ વળ્યા છે.