રાશનકાર્ડ ધારકો ધ્યાન આપે! જલદી કરાવી લો e-KYC, નહીં તો રાશનકાર્ડમાંથી કમી થશે નામ!
જો તમે પણ સરકારી રાશનની દુકાનમાંથી અનાજ ખરીદો છો, તો આ સમાચાર તમારા માટે ખૂબ જ મહત્વપૂર્ણ છે. જો તમે હજુ સુધી e-KYC નથી કર્યું, તો તમારે તાત્કાલિક કેવાયસી કરાવવું જોઈએ.
Ration Card e-KYC : જો તમે પણ સરકારી રાશનની દુકાનમાંથી અનાજ ખરીદો છો, તો આ સમાચાર તમારા માટે ખૂબ જ મહત્વપૂર્ણ છે. જો તમે હજુ સુધી e-KYC નથી કર્યું, તો તમારે તાત્કાલિક કેવાયસી કરાવવું જોઈએ. જો આ પ્રક્રિયા નિર્ધારિત સમયમાં પૂર્ણ નહીં થાય, તો આવા લોકોને રાશન મળવાનું બંધ થઈ શકે છે. રાજ્યો પ્રમાણ રાશનકાર્ડ કેવાયસીની તારીખો અલગ-અલગ છે. તમે રાજ્યની સત્તાવાર વેબસાઈટ પર જઈને અંતિમ તારીખ જોઈ શકો છો.
શું તમારી પાસે રાશન કાર્ડ છે? જો નહીં, પરંતુ તમે પાત્ર છો તો તમે રેશન કાર્ડ બનાવી શકો છો અને દર મહિને મફત રાશન મેળવી શકો છો. વાસ્તવમાં, ભારત સરકાર ઘણી યોજનાઓ ચલાવે છે, જેમાંથી એક અંત્યોદય યોજના છે, જે હેઠળ પાત્ર લોકોને મફત રાશનની સુવિધા પૂરી પાડવામાં આવે છે.
e-KYC કરાવવા માટે એક ઝુંબેશ ચલાવવામાં આવી રહી છે. તેનો હેતુ જાહેર વિતરણ વ્યવસ્થા (PDS) હેઠળ આપવામાં આવતા રાશનના લાભો યોગ્ય લોકો સુધી પહોંચે તે છે.
My Ration app ડાઉનલોડ કરો
eKYC કરવા સૌ પ્રથમ Google Play Store માંથી My Ration app ડાઉનલોડ કરો. My Ration app દ્વારા, ગ્રાહકોને મળવા પાત્ર જથ્થો અને રસીદ તેમજ રાશનકાર્ડને લગતી ઘણી બીજી સેવાઓ જોવા મળે છે. એપ્લિકેશનમાં આધાર અને મોબાઈલની સ્થિતિ, જાહેર વિતરણ વ્યવસ્થા, આધાર ઈ કેવાયસી, અનલિંક મોબાઈલ, અનલિંક આધાર જેવી સેવાઓ ઉપલબ્ધ છે.
Google Play Store માંથી my Ration app ડાઉનલોડ કરો. રેશનકાર્ડ ધારકનો મોબાઇલ નંબર દાખલ કરો અને ઓટીપી દાખલ કરીને વેરીફાઈ કરો. પ્રોફાઈલમાં જઈને પાસવર્ડ સેટ કરો અને રેશનકાર્ડ સાથે લિંક કરો.
હોમ પેજ પર જાઓ અને આધાર E KYC ઓપ્શન પસંદ કરો. એક નવી વિન્ડો ખુલશે જેમાં આધાર ફેસ રીડર એપ્લિકેશનની લિંક મળશે. Google Play Store માંથી આ એપ્લિકેશન ડાઉનલોડ કરો. ચેકબોક્સ પર ક્લિક કરો અને કાર્ડની વિગતો મેળવો.
નવી વિન્ડો ખુલશે, જેમાં કોડ દાખલ કરો. પછી રાશનકાર્ડ અને તેના સભ્યોની વિગત દર્શાવશે. એક નાનું વિન્ડો ખૂલી જશે, જેમાં દર્શાવશે કે E KYC થયેલું છે કે નહીં. જે નામ સામે "NO" દેખાય, તે નામને E KYC માટે પસંદ કરો.
નવી વિન્ડો ખૂલી જશે, ત્યાં ચેકબોક્સ પર ક્લિક કરીને OTP જનરેટ કરો અને વેરીફાઈ કરો. આધાર ફેસ રીડર એપ્લિકેશન ઓપન થશે, જે વ્યક્તિનું વેરીફાઈ કરવાનું છે તેની સેલ્ફી લો. આંખ ખૂલી રાખવી જરૂરી છે.
ગ્રીન લાઈન થયા બાદ, E KYC સફળતાપૂર્વક થશે અને તમે સબમિટ પર ક્લિક કરો. હવે, તમને "સક્સેસફુલ મેસેજ" મળશે.
ટોપ સ્ટોરી
ટ્રેન્ડિંગ સમાચાર
