Jio નો નવો પ્લાન જોઈને Airtel ના પસીના છૂટી જશે! 30 દિવસની વેલિડિટી અને ડેટા સાથે મળશે જબરદસ્ત ફાયદા

જિયોના ₹319 ના પ્લાનમાં 1.5GB ડેટા સાથે 18 મહિનાનું Google Gemini Pro એકદમ ફ્રી; જાણો જિયોના ₹349 અને એરટેલના ₹355 ના પ્લાન વચ્ચેનો અસલી તફાવત અને તમારા માટે કયો પ્લાન છે બેસ્ટ.

reliance jio new 30 days recharge plan packed with benefits rival airtel

Source : X.com

Show Quick Read

Key points generated by AI, verified by newsroom

આજકાલ ટેલિકોમ કંપનીઓ વચ્ચે 30 દિવસની વેલિડિટી વાળા પ્લાન આપવાની હોડ જામી છે. ગ્રાહકોની લાંબા સમયની માંગને ધ્યાનમાં રાખીને રિલાયન્સ જિયો (Reliance Jio) એ 319 રૂપિયાનો નવો પ્રીપેડ પ્લાન બજારમાં મૂક્યો છે, જેમાં પૂરા 30 દિવસની વેલિડિટી મળે છે. આ પ્લાન પહેલી નજરે તો બહુ જ આકર્ષક લાગે છે, ખાસ કરીને તેમાં મળતા ફ્રી સબ્સ્ક્રિપ્શનને કારણે. પરંતુ, જો તમે જિયોના જ બીજા 30 દિવસના પ્લાન અને એરટેલના 30 દિવસના પ્લાન સાથે તેની સરખામણી કરો, તો ચિત્ર કંઈક અલગ જ જોવા મળે છે. ચાલો સરળ ભાષામાં સમજીએ કે કયા પ્લાનમાં શું મળે છે અને કયો પ્લાન તમારા ખિસ્સા અને જરૂરિયાત મુજબ બેસ્ટ રહેશે.

જિયોનો નવો ₹319 નો પ્લાન: શું છે ખાસિયત?

જિયોનો આ નવો ₹319 નો પ્રીપેડ પ્લાન હવે તેમની ઓફિશિયલ વેબસાઈટ અને મોબાઈલ એપ બંને પર ઉપલબ્ધ છે. આ પ્લાનની સૌથી મોટી ખાસિયત એ છે કે તેમાં તમને 28 નહિ, પરંતુ પૂરા 30 દિવસની વેલિડિટી મળે છે. આ ઉપરાંત, નીચે મુજબના ફાયદાઓ છે:

દરરોજ 1.5GB 4G હાઈ-સ્પીડ ડેટા.

દરરોજ 100 SMS અને કોઈપણ નેટવર્ક પર અનલિમિટેડ કોલિંગ.

JioTV અને JioAiCloud જેવી ડિજિટલ સર્વિસનું ફ્રી એક્સેસ.

સૌથી મોટો ફાયદો: આ રિચાર્જ સાથે તમને પૂરા 18 મહિના માટે 'Google Gemini Pro' નું સબ્સ્ક્રિપ્શન એકદમ મફત મળે છે, જે આમ જોવા જઈએ તો ઘણું મોંઘું આવતું હોય છે.

₹319 અને ₹349 ના પ્લાન વચ્ચે શું છે તફાવત?

હવે જ્યારે આપણે જિયોના આ ₹319 ના પ્લાનની સરખામણી તેમના જ ₹349 ના પ્લાન સાથે કરીએ, ત્યારે અસલી ખેલ સમજાય છે. જો તમે માત્ર ₹30 વધારે ખર્ચ કરો છો, તો ₹349 ના પ્લાનમાં આ ફાયદા મળે છે:

દરરોજ 1.5GB ની જગ્યાએ 2GB 4G ડેટા.

અનલિમિટેડ 5G ડેટા નો ફાયદો, જે 319 વાળા પ્લાનમાં નથી.

મનોરંજન માટે 3 મહિનાનું JioHotstar નું એક્સેસ બિલકુલ ફ્રી.

માત્ર ₹30 ના તફાવતમાં 5G ડેટા અને હોટસ્ટાર જેવા બેસ્ટ બેનિફિટ્સ મળતા હોવાથી, ઘણા લોકોને ₹319 નો પ્લાન થોડો નબળો લાગી શકે છે.

એરટેલનો 30 દિવસનો ₹355 નો પ્લાન

સામે પક્ષે, ભારતી એરટેલે (Bharti Airtel) પણ પોતાના ગ્રાહકો માટે ₹355 નો પ્રીપેડ પ્લાન રજૂ કર્યો છે. આ પ્લાન ખાસ એવા લોકો માટે બનાવવામાં આવ્યો છે જેમને રોજના ડેટાની લિમિટ પસંદ નથી અને કોઈ એક દિવસે અચાનક વધુ ડેટાની જરૂર પડી જતી હોય છે.

આ પ્લાનમાં પણ 30 દિવસની વેલિડિટી સાથે અનલિમિટેડ કોલિંગ મળે છે.

ડેટાની વાત કરીએ તો, દરરોજની કોઈ લિમિટ વિના તમને એકસાથે કુલ 25GB ડેટા આપી દેવામાં આવે છે, જે તમે આખા મહિનામાં ગમે ત્યારે વાપરી શકો છો.

ખાસ ફાયદો: આ પ્લાનનો સૌથી મોટો ફાયદો એ છે કે તેમાં 1 વર્ષ માટે 'Adobe Express Premium' નું એક્સેસ મફત મળે છે, જેની બજાર કિંમત અંદાજિત ₹4,000 જેટલી થાય છે.

જેમને રોજના 1 કે 2 જીબી ડેટા ખતમ થઈ જવાની ઝંઝટ નથી જોઈતી, તેમના માટે એરટેલનો આ પ્લાન એકદમ આદર્શ છે.