Twitterએ ભારતમાં લોન્ચ કર્યું નવું વોઇસ DMs ફીચર, આ રીતે મોકલી શકાશે ઓડિયો મેસેજ

ટ્વીટરે પોતાના નિવેદનમાં કહ્યું કે, ભારત અમારા માટે ખૂબ જ મહત્ત્વપૂર્ણ બજાર છે, માટે અમે ભારતમાં ફીચર્સને સતત અપડેટ કરી રહ્યા છીએ.

Twitterનો ઉપયોગ હવે વધારે મજેદાર બની ગયો છે. ટ્વીટરે દ્વારા તમે હવે વોઈસ મેસેજ પણ મોકલી શકશો. ટ્વીટરે ડાયરેક્ટ મેસેજિંગ માટે નવું વોઈસ મેસેજિંગ ફીચર લોન્ચ કર્યું છે. ટ્વીટરનો વોઈસ ડીએમ 17 ફેબ્રુઆરીથી ભારત, બ્રાઝીલ અને જાપાન માટે લોન્ચ કર્યું છે. આ ફીચરથી યૂઝર્સ ડાયરેક્ટ મેસેજ તરીકે વોઈસ મેસેજ મોકલી શકશે. વોઈસ ટ્વીટની જેમ જ વોઈસ મેસેજ પણ 140 સેકેન્ડ લાંબો હશે. આ રીતે કરો ફીચરનો ઉપોયગ તેના માટે સૌથી પહેલા તમારે તમારી ટ્વીટર એપને અપડેટ કરવી પડશે. ત્યાર બાદ ડાયરેક્ટ મેસેજિંગવાળા બોક્સમાં જાવ અને વોઈસ રેકોર્ડિંગવાળા બટન પર ક્લિક કરો. ત્યાર બાદ મેસેજ રેકોર્ડ કરો અને મેસેજ મોકલવા માટે તૈયાર છે. તમે ઇચ્છો તો મેસેજ મોકલવાથી તેને સાંભળી પણ શકો છો. આ વોઈસને તમે મોબાઈલ એપ અને ડેસ્કટોપ બન્ને પર સાંભળી શકો છો. ટ્વીટરે કહી આ વાત ટ્વીટરે પોતાના નિવેદનમાં કહ્યું કે, ભારત અમારા માટે ખૂબ જ મહત્ત્વપૂર્ણ બજાર છે, માટે અમે ભારતમાં ફીચર્સને સતત અપડેટ કરી રહ્યા છીએ. વોઈસ મેસેજ દેશના કરોડો યૂઝર્સને એક નવું અનુભવ આવશે. નોંધનીય છે કે, ટ્વીટરે પ્રથમ વખત ઓડિયો મેસેજિંગની શરૂઆત વિતેલા વર્ષે જૂનમાં કરી હતી. આ દરમિયાન વોઈસ ટ્વીટનું ફીચર લોન્ચ કરવામાં આવ્યું હતું અને ત્યાર બાદ હવે વોઈસ મેસેજિંગનું ફીચર લાઈવ થયું છે.