UIDAI એ ભર્યું મોટું પગલું, આધાર કાર્ડ થશે વધુ સુરક્ષિત, શરૂ કર્યો ખાસ કાર્યક્રમ
આધાર કાર્ડ એક આવશ્યક ઓળખ દસ્તાવેજ બની ગયું છે. પરિણામે, તેની સુરક્ષા પણ એટલી જ મહત્વપૂર્ણ છે. UIDAI એ આધાર કાર્ડ સુરક્ષાને વધુ મજબૂત બનાવવા માટે એક નવો કાર્યક્રમ શરૂ કર્યો છે.
આધાર કાર્ડ એક આવશ્યક ઓળખ દસ્તાવેજ બની ગયું છે. પરિણામે, તેની સુરક્ષા પણ એટલી જ મહત્વપૂર્ણ છે. UIDAI એ આધાર કાર્ડ સુરક્ષાને વધુ મજબૂત બનાવવા માટે એક નવો કાર્યક્રમ શરૂ કર્યો છે. આ કાર્યક્રમ આધાર કાર્ડની સુરક્ષા વ્યવસ્થાને વધુ મજબૂત બનાવશે. UIDAI નો આ બિગ બાઉન્ટી પ્રોગ્રામ આધાર કાર્ડની સાયબર સુરક્ષા સુધારવા માટે શરૂ કરવામાં આવ્યો છે, જેમાં અનુભવી સાયબર સુરક્ષા નિષ્ણાતો અને એથિકલ હેકર્સનો સમાવેશ થાય છે.
શું છે બગ બાઉન્ટી પ્રોગ્રામ ?
UIDAI એ તેના સત્તાવાર X હેન્ડલ દ્વારા જણાવ્યું હતું કે આ બગ બાઉન્ટી પ્રોગ્રામ આધાર સુરક્ષાને વધુ મજબૂત બનાવવા માટે શરૂ કરવામાં આવ્યો છે. ભાગ લેવા માટે અનુભવી સાયબર સુરક્ષા નિષ્ણાતો અને એથિકલ હેકર્સની એક પેનલ બનાવવામાં આવી છે. આ સાયબર સુરક્ષા નિષ્ણાતો UIDAI ના મુખ્ય ડિજિટલ પ્લેટફોર્મમાં સંભવિત નબળાઈઓને ઓળખવાનો પ્રયાસ કરશે.
જો બગ બાઉન્ટી પ્રોગ્રામના નિષ્ણાતો કોઈ વાસ્તવિક સુરક્ષા ખામીઓ શોધી કાઢે છે અને જવાબદારીપૂર્વક તેની જાણ કરે છે, તો તેમને સમસ્યાની ગંભીરતાના આધારે પુરસ્કાર આપવામાં આવશે. UIDAI એ જણાવ્યું હતું કે આ પહેલ આધાર સિસ્ટમ અને પ્લેટફોર્મને વધુ મજબૂત અને સુરક્ષિત કરવાના સતત પ્રયાસોનું પરિણામ છે.
यूआईडीएआई ने आधार प्रणाली की सुरक्षा को और मजबूत करने के लिए अपना पहला संरचित बग बाउंटी कार्यक्रम शुरू किया है।
— Aadhaar (@UIDAI) March 13, 2026
अधिक जानकारी के लिए: https://t.co/I72NMK8Vf8 pic.twitter.com/eZ0kPaRMnM
નવી આધાર એપ લોન્ચ થઈ
UIDAI એ તાજેતરમાં નવી આધાર એપ લોન્ચ કરી છે, જે વપરાશકર્તાઓને વિવિધ સુવિધાઓ પ્રદાન કરે છે. વપરાશકર્તાઓ આ એપનો ઉપયોગ કરીને તેમના ઘરનું સરનામું અને મોબાઇલ નંબર અપડેટ કરી શકે છે, જેનાથી આધાર કાર્ડ કેન્દ્રની મુલાકાત લેવાની જરૂર રહેતી નથી. નવી આધાર એપ તેમના આધાર કાર્ડને સુરક્ષિત રાખવા માટે બાયોમેટ્રિક લોક અને હાઇડ વિગતો પણ પ્રદાન કરે છે. કાર્ડધારકો તેમનો આધાર નંબર શેર કર્યા વિના QR કોડ દ્વારા પેપરલેસ દસ્તાવેજ ચકાસણી પણ કરી શકે છે.
નવી આધાર એપના કારણે યુઝર્સને ઘણી નવી સુવિધાઓ ઘરે બેઠા મળી રહે છે. આ અપડેટ બાદ ભૌતિક (ફિઝિકલ) આધાર કાર્ડ રાખવાની જરૂરિયાત મહદઅંશે સમાપ્ત થઈ ગઈ છે.
ટોપ સ્ટોરી
ટ્રેન્ડિંગ સમાચાર
