Google Chrome યુઝર્સને ભારત સરકારની ચેતવણી, આ ખામીનો હેકર્સ ઉઠાવી શકે છે ફાયદો
Google Chrome: જો તમે ગૂગલ ક્રોમ યુઝર છો તો તમારે સાવધાન રહેવાની જરૂર છે. સરકારી એજન્સી ઇન્ડિયન કોમ્પ્યુટર ઇમરજન્સી રિસ્પોન્સ ટીમ (CERT-In) એ ચેતવણી જાહેર કરી છે
Google Chrome: જો તમે ગૂગલ ક્રોમ યુઝર છો તો તમારે સાવધાન રહેવાની જરૂર છે. સરકારી એજન્સી, ઇન્ડિયન કોમ્પ્યુટર ઇમરજન્સી રિસ્પોન્સ ટીમ (CERT-In) એ ચેતવણી જાહેર કરી છે કે બ્રાઉઝરમાં ઘણી સુરક્ષા ખામીઓ મળી આવી છે, જેના કારણે વિન્ડોઝ, macOS અને Linux પર ગૂગલ ક્રોમના યુઝર પર સાયબર હુમલાનું જોખમ છે. હુમલાખોરો આ ખામીઓનો ઉપયોગ કરીને તમારી સિસ્ટમનું એક્સેસ મેળવી શકે છે જેના કારણે ડેટા ચોરી અને વ્યક્તિગત માહિતી ચોરી થયાનું જોખમ વધે છે.
ગૂગલ ક્રોમનું કયું વર્ઝન વધુ સંવેદનશીલ છે?
જો તમે વિન્ડોઝ અથવા મેક પર 145.0.7632.75/76 કરતા જૂના અથવા Linux પર 144.0.7559.75 કરતા જૂના ગૂગલ ક્રોમના વર્ઝનનો ઉપયોગ કરી રહ્યા છો તો તમારે ચિંતા કરવાની જરૂર છે. એજન્સીને ક્રોમના આ વર્ઝનમાં ખામીઓ મળી છે. તેથી આ વર્ઝનનો ઉપયોગ કરતા યુઝર્સ હજુ પણ રિમોટ હુમલાઓ માટે સંવેદનશીલ હોઈ શકે છે. એજન્સી જણાવે છે કે ક્રોમના CSS રેન્ડરિંગ કમ્પોર્નેન્ટમાં આ ખામીઓ મળી આવી છે. આ ખામીઓનો ઉપયોગ કરીને હુમલાખોરો બ્રાઉઝરમાં મેમરી હેન્ડલિંગમાં ફેરફાર કરી શકે છે. આનાથી તેઓ સમગ્ર સિસ્ટમમાં પ્રવેશ મેળવી શકે છે, ડેટા ચોરી શકે છે અને સેવાઓમાં ખલેલ પહોંચાડી શકે છે.
આ મોટા ખતરાનો સામનો કરવા માટે યુઝર્સે શું કરવું જોઈએ?
એજન્સીએ આ ચેતવણીને હાઈ રિસ્ક કેટેગરીમાં રાખી છે, જે એક મહત્વપૂર્ણ ખતરાનો સંકેત આપે છે. આનો સામનો કરવા માટે યુઝર્સે તેમના ક્રોમ બ્રાઉઝરને અપડેટ કરવાની સલાહ આપવામાં આવે છે. યુઝર્સ અને સંસ્થાઓ Google Stable ચેનલ દ્વારા પ્રકાશિત અપડેટ્સ ઇન્સ્ટોલ કરી શકે છે. આ અપડેટ્સમાં આ ખામીઓને દૂર કરવા માટે સુરક્ષા પેચ હોય છે. સામાન્ય રીતે યુઝર્સ તેમના ડિવાઈસ અને સોફ્ટવેરને અપડેટ રાખવાની સલાહ આપવામાં આવે છે. આ તેમને સાયબર હુમલાઓથી સુરક્ષિત રાખે છે અને તેમને નવી સુવિધાઓ સાથે અપડેટ રાખે છે.
ટોપ સ્ટોરી
ટ્રેન્ડિંગ સમાચાર
